"RoyalBank"la bağlı cinayət işi məhkəməyə göndərildi
Bizi izləyin

Qırmızı.az

"RoyalBank"la bağlı cinayət işi məhkəməyə göndərildi

"RoyalBank"ın sabiq filial müdirinin qanunsuz hərəkətləri ilə bağlı cinayət işi baxılması üçün məhkəməyə göndərilib.

Baş Prokurorluğun mətbuat xidmətindən Publika.az-a verilən məlumata görə, “RoyalBank” ASC-nin 5 saylı filialının vəzifəli şəxslərinin qanunsuz hərəkətləri ilə bağlı Baş prokuror yanında Korrupsiyaya qarşı Mübarizə Baş İdarəsində aparılmış cinayət işinin istintaqı yekunlaşıb.

İstintaq zamanı “RoyalBank” ASC-nin 5 saylı filialının sabiq müdiri Natiq Bayramovun öz qulluq mövqeyindən istifadə etməklə özgənin əmlakını ələ keçirmək məqsədi ilə, Bakı şəhər sakinini aldadıb guya bankda sonuncunun və arvadının adına ümumilikdə 72 min ABŞ dolları olması barədə saxta əmanət kitabçasını təqdim etməklə sonuncuya məxsus külli miqdarda əmlakı ələ keçirməsinə, həmçinin eyni niyyətlə həmin şəxsi təkrarən aldadaraq 63 min manat pulu “Royal Bank” ASC-nin 5 saylı filialının Bakı şəhərində yerləşən inzibati binasında almaqla dələduzluq etməsinə, bundan başqa filialın kredit mütəxəssisi Arif Hacıqurbanov aldatma yolu ilə özgənin əmlakını ələ keçirmə məqsədilə Bakı şəhər sakininin şəxsiyyət vəsiqəsinin surətindən və əməkhaqqı barədə qanunsuz hazırladığı rəsmi sənəddən istifadə edərək sonuncunun adına 5 min 100 ABŞ dolları məbləğində kredit rəsmləşdirərək xeyli miqdarda özgə əmlakını ələ keçirməsinə, filialın xəzinədarı Rövşən Qasımov adına kredit rəsmiləşdirilmiş Bakı şəhər sakininin iştirakı olmadan kredit məbləğini kredit mütəxəssisi A.Hacıqurbanova verməsinə şübhələr üçün əsaslar olduğundan N.Bayramova Cinayət Məcəlləsinin 178.3.2 (külli miqdarda ziyan vurmaqla dələduzluq), A.Hacıqurbanova 178.2.3 (şəxs tərəfindən öz qulluq mövqeyindən istifadə etməklə dələduzluq) və 178.2.4-cü (xeyli miqdarda ziyan vurmaqla dələduzluq), Rövşən Qasımova isə 308.1-ci (vəzifə səlahiyyətlərindən sui-istifadə) maddələrində nəzərdə tutulmuş ittiham elan edilib.

Cinayət işinin istintaqı tamamlanaraq baxılması üçün aidiyyəti üzrə Bakı Ağır Cinayətlər Məhkəməsinə göndərilib.

Oxumağa davam et
Reklam
Reklam

Gündəm