• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Əfv sərəncamının icrasına başlanıldı

Əfv sərəncamının icrasına başlanıldı

Prezident İlham Əliyev tərəfindən imzalanan əfv sərəncamının bu gün icrasına başlanıb.

Ədliyyə Nazirliyinin Penitensiar Xidmətindən Publika.az-a verilən məlumata görə, əfv olunmuş məhkumların azadlığa buraxılması prossesinə start verilib. Prosesdə Ombudsman Aparatının, Əfv Komissiyasının, Ədliyyə Nazirliyinin, ictimaiyyətin nümayəndələri, hüquq müdafiəçiləri və KİV əməkdaşları iştirak edir.

Əfv sərəncamında adları qeyd olunan məhkumların azadlığa buraxılma prossesinin bu gün günota saatlarına qədər yekunlaşması gözlənilir.

Qeyd edək ki, ötən gün imzalanan sərəncam 84 nəfər məhkuma şamil edilib. Azadlıqdan məhrum etmə cəzasına məhkum edilmiş 80 nəfər cəzanın çəkilməmiş hissəsindən, islah işləri cəzasına məhkum edilmiş 2 və cərimə cəzasına məhkum edilmiş 1 nəfər isə cəzadan tam azad ediliblər.

Əfv olunanlar sırasında “NİDA” Vətəndaş Hərəkatının 3 üzvü və 1 hüquq müdafiəçisi var. “NİDA”nın üzvləri bir müddət əvvəl ölkə prezidentinə əfv olunmaları ilə bağlı müraciət məktubu ünvanlamışdılar.

Prezidentin əfv sərəncamı həmçinin 5 nəfər xarici ölkə vətəndaşına da şamil edilib.

Türkiyə vətəndaşı Bektaş İlbeyi Yusuf İzzetin oğlu, İran vətəndaşları İmrahi Tohid Əli oğlu və Məhəmmədzadə Səid Müştəba oğlu, Gürcüstan vətəndaşı Naibov Cəlal Camal oğlu və Pakistan vətəndaşı Zada Amir Sher əfv olunublar.

Ölkə başçısının son sərəncamı ilə azadlığa çıxanlar arasında 3 nəfər qadın da var.

Gülxar

Xəbər lenti

DAHA ÇOX XƏBƏR