Qırmızı.az
DİN Goranboy qətliamına görə polisləri cəzalandırdı
Goranboyun Safıkürd kəndindən baş vermiş qətliamdan 18 gün keçməsinə baxmayaraq, hələ də Rafiq Hüseynovun ailəsinin yaşadığı evin qarşısında polis mühafizəsi götürülməyib.
Bu barədə Axar.az-a Safıkürd kənd sakinləri məlumat veriblər.
Məlumatda polisin gərgin iş rejimində işlədiyi və evi 24 saat ərzində müdafiə etdiyi bildirilib. Sakinlər həmçinin Rafiq Hüseynovun ailəsinin də Safıkürdə geri dönmədiyini söyləyiblər. Onların hələlik Goranboyda yerləşən başqa bir kənddə qohumlarının evlərində məskunlaşdığı deyilib. Ailənin geriyə dönməməsinin əsas səbəbinin isə onlara qarşı hələ də kənd sakinlərinin qəzəbinin itməməsi olduğu bildirilib. Safıkürd əhalisinin ailənin, ümumiyyətlə, kənddən tamamilə getməsini istədiyi vurğulanıb.
Goranboydakı digər bir mənbə isə Safıkürd polis sahə rəisi, polis kapitanı Elxan Fərəcovun artıq vəzifədən azad olunduğunu söyləyib. O, buna əsas səbəb kimi Safıkürddə baş vermiş ailə faciəsinin səbəb olduğunu deyib. Mənbə eyni zamanda bir neçə polis zabitinə və yüksək vəzifəli şəxslərə kənddə baş vermiş hadisələrlə əlaqədar töhmət verildiyini də vurğulayıb. Hazırda “Safıkürd qətliamı”nın polis tərəfindən çox ciddi şəkildə araşdırıldığı deyilib.
Qeyd edək ki, Goranboy rayon sakini Rafiq Müzəffər oğlu Hüseynov qayınatasının evinə silahlı hücum edib. Kürəkən evə qumbara ataraq bir ailəni məhv edib. Buna səbəb evləndiyi qızın mübahisə etdikdən sonra atası evinə getməsi və geri qayıtmaması olub.
Hadisə zamanı ölənlər - 1958-ci il təvəllüdlü Diləzbər Alı qızı Məmmədova, 1983-cü il təvəllüdlü Fərqanə Allahyar qızı Məmmədova, 1951-ci il təvəllüdlü Ofelya İsa qızı Məmmədova, 1963-cü il təvəllüdlü Həvayət Xanlar qızı Məmmədova, 1984-cü il təvəllüdlü Südabə Allahyar qızı Hüseynova, 1989-cu il təvəllüdlü Namiq Allahyar oğlu Məmmədov və 2011-ci il təvəllüdlü İsa Elvin oğlu Məmmədovdur. 1986-cı il təvəllüdlü Natiq Allahverdi oğlu Məmmədov və 1984-cü il təvəllüdlü Günel Haqverdi qızı Məmmədova isə yaralanıb.
Onu da xatırladaq ki, kənd sakinləri bir müddət öncə Rafiq Hüseynovun ailəsinin Safıkürddən çıxarılması üçün imzatoplama aksiyasına başladıqları bildirilmişdi.
P.S. Onu da vurğulayaq ki, məsələni dəqiqləşdirməkdən ötrü kəndin sahə müvəkkili Elxan Fərəcovla əlaqə saxlasaq da o hadisə ilə heç bir məlumat verə bilməyəcəyini deyib telefonu üzümüzə qapatdı. Daha sonra isə onunla bağlantı yaratmaq cəhdlərimizin hər biri uğursuzluqla nəticələndi.
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO