Qırmızı.az

9 ayda səkkiz min boşanma

13 Noyabr 2014 17:10

Son 9 ayda Azərbaycanda 8000 boşanma qeydə alınıb.

Bu barədə Publika.az-a Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin məsləhətçisi Aynur Veysəlova məlumat verib.

Onun sözlərinə görə, ötən il boşanmaların sayı 11 min 730 olub.

Son bir neçə ilin statistikasına nəzər salsaq, əcnəbilərlə bağlanan nikahlarda boşanma hallarının artdığını müşahidə etmiş olarıq. Belə ki, 2011-ci ildə isə pozulan nikahların 76-sı əcnəbilərlə bağlanan nikahlardısa, 2012-ci ildə bu rəqəm artaraq 146 və 2013-cü ildə 211-ə çatıb.

A.Veysəlovanın sözlərinə görə, bu ilin yanvar-sentyabr ayında Azərbaycanda 53 min 400 nikah bağlanıb. 2013-cü il ərzində 86 min 852 nikah qeydə alınıb.

Bağlanan nikahların bir hissəsi isə əcnəbilərlə bağlanan nikahlardır. 2011-ci ildə 2696, 2012-ci ildə 2688 xarici vətəndaşla nikah bağlanıbsa, 2013-cü ildə bu rəqəm 2780 nikah təşkil edib.

Gülnar Əliyeva