Qırmızı.az
AST Telmanın otelinin müsadirəsinə aydınlıq gətirildi
Azərbaycan Beynəlxalq Bankı iş adamı Telman İsmayılovun otelinə əl qoymayıb.
Bu barədə Axar.az-a Azərbaycan Beynəlxalq Bankının Moskva bürosundan məlumat verilib.
Bank “Kommersant” qəzetində ABB-nin müsadirə etdiyi obyektlər kimi göstərilən yerlərin heç birinin onlarla əlaqədar olmadığını bildirib:
“Sizin göndərdiyiniz sorğuya cavab olaraq bildiririk ki, 13.11.2014-cü il tarixində “Kommersant” qəzetində göstərilən obyektlərin heç biri nə birbaşa, nə də ki dolayısı yolla bizim bankın fəaliyyətinə aiddir. Materialda yazılanlardan yalnız bir məsələnin bizə aidiyyəti var: Azərbaycan Beynəlxalq Bankında həqiqətən AST QOF-un hesabı var və hazırda bu şirkət bizim kredit borclumuzdur”.
Qeyd edək ki, bir müddət öncə “Kommersant” qəzetində ümumi dəyərləri 50 milyon dollar olaraq qiymətləndirilən Nikitski bulvarındakı uzun müddətdir tikilməkdə olan, həmçinin və Moskva şəhərinin qərbində yerləşən otellərin artıq Azərbaycan Beynəlxalq Bankının (ABB) mülkiyyətinə keçdiyi haqqında məlumat yayılmışdı. "Manqazeya" qrupunun nümayəndələri isə "Kommersant" qəzetinə həqiqətən Nikita bulvarı 6/20 ünvanda yerləşən mehmanxananın Azərbaycan Beynəlxalq Bankının nəzarətini keçdiyini bildirmişdi.
Onu da xatırladaq ki, 2008-ci ilə kimi Telman İsmayılov ən nüfuzlu Moskva biznesmenlərindən olub. Onun AST qrupu qalmaqalla sökülən “Çerkizov” bazarını, “Voentor” binasını, Yeni Arbatda yerləşən “Praqa” restoranını və Moskva ətrafı 3 min hektara yaxın ərazini nəzarətində saxlayırdı. Lakin 2008-ci ildə hüquq-mühafizə orqanları “Çerkizov” bazarında 2 milyard dollar qiymətində qaçaqmal qeydə aldı. Ticarət sahəsi bağlandı, İsmayılov özü isə Türkiyəyə yerləşdi.
"Forbes" hazırda onun sərvətini 0,75 milyard dollar dəyərində qiymətləndirir.
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR