Daxili orqanında narkotik keçirən 13 qadın saxlanılıb

Daxili orqanında narkotik vasitə keçirən Azərbaycan vətəndaşı tutulub.

Dövlət Gömrük Komitəsinin mətbuat xidmətindən Publika.az-a verilən məlumata görə, “Qoşa Təpə” Gömrük postunda İran İslam Respublikasından Azərbaycan Respublikasına piyada gələn Azərbaycan Respublikası vətəndaşı Şəfiyev Sabir Cabir oğlunun da üzərində şəxsi yoxlama aparan onun daxili orqanında gömrük nəzarətindən gizlədilmiş, 3 ədəd ayrı-ayrılıqda şəffaf selofana bükülü bükümlərdə narkotik vasitələr olduğu müəyyən edilib.

1-ci bükümdə xalis çəkisi 50,155 qram olan narkotik vasitə tiryək, digər bükümdə xalis çəkisi 49,454 qram olan narkotik vasitə heroin, 3-cü bükümdə isə 10 ədəd “Azərbaycan Respublikasının ərazisində dövriyyəsi məhdudlaşdırılan narkotik vasitələrin”in II Siyahısına daxil olan, sintetik narkotik vasitə sayılan metadon adlı həblər aşkar edilərək götürülüb.

Qeyd edək ki, 2014-cü ilin müvafiq dövrü ərzində gömrükçülər tərəfindən bu kimi 38 fakt aşkarlanıb, daxili bədən boşluqlarında gizlədilməklə keçirilməsinə cəhd edilən 3 kiloqram 736 qram narkotik vasitə dövriyyədən çıxarılıb. Təəssüf doğuran hallardan biri də bu işlərə qadınların da cəlb edilməsidir. Belə ki, cari ildə 13 qadın bu üsulla narkotik vasitələri keçirməyə cəhd göstərib.