Qırmızı.az
Bilik Fondu gələcəyin cərrahları və memarları üçün təqdimat keçirib
Azərbaycan Respublikasının Prezidenti yanında Bilik
Fondu iki ali təhsil ocağında təqdimat keçirib.
Fondun informasiya təminatı sektorundan bildiriblər ki, qurumun
əməkdaşları əvvəlcə Azərbaycan Tibb Universitetinin Tədris
Cərrahiyyə Klinikasında olublar.
Təqdimat mərasimində Bilik Fondunun icraçı direktoru Oqtay Səmədov
rəhbərlik etdiyi qurumun yaranma tarixi və fəaliyyəti barədə geniş
məlumat verib. Bildirilib ki, fondun layihələrinin həyata
keçirilməsində sağlam cəmiyyətin qurulmasına xidmət edən həkimlərin
iştirakına ehtiyac var. Tibb işçiləri, xüsusən də səhiyyə
sistemində çalışan alim və tədqiqatçılar fondun dəstəyi ilə bilik
və bacarıqlarını əhaliyə daha təsirli formada çatdıra bilərlər.
Klinikanın direktoru, professor Hacıqulu Bağırov rəhbərlik etdiyi
tibb müəssisəsinin təcrübəli əməkdaşlarının Bilik Fondunun
layihələrində yaxından iştirak edəcəyini bildirib.
Digər təqdimat Azərbaycan Memarlıq və İnşaat Universitetində
keçirilib.
Universitetin rektoru, Milli Məclisin deputatı, Gülçöhrə Məmmədova
Prezident İlham Əliyevin müvafiq Fərmanına əsasən, ölkə əhalisinin
elmi-texniki, siyasi-ictimai, ekoloji və humanitar biliklərini
artırmaq, Azərbaycan Respublikasının daxili və xarici siyasətinin,
azərbaycançılıq məfkurəsinin mahiyyətini ictimaiyyətə çatdırmaq,
milli-mənəvi dəyərləri təbliğ etmək məqsədi ilə belə bir Fondun
yaradılmasını yüksək dəyərləndirib.
Rektor rəhbərlik etdiyi ali məktəbin müəllim və tələbələrinin Bilik
Fondu ilə birgə səmərəli layihələr həyata keçirəcəklərinə
əminliyini bildirib.
O.Səmədov Bilik Fondunun fəaliyyət istiqamətləri, maarifçilik
tədbirləri ilə bağlı geniş məlumat verib. O, fondun gördüyü işlər,
könüllülərin layihələrə cəlb olunması, tələbə və müəllimlərlə
əməkdaşlığın mümkün formaları barədə ətraflı danışıb.
Fondun yaranması, məqsəd və vəzifələri, həyata keçirdiyi
layihələrdən bəhs edən film nümayiş olunub.
Daha sonra müəllim və tələbələrin suallarını cavablandıran
O.Səmədov onları Bilik Fondunun tədbirlərində, əhali arasında
elmi-texniki biliklərin artırılması ilə bağlı layihələrdə fəal
iştirak etməyə çağırıb. Universitetin rəhbərliyi fondun
tədbirlərində, xüsusən “Dini abidələrdə tarixin izləri” layihəsində
iştirak etmək istədiklərini bildirib.
Bilik Fondunun ali məktəblərdə təqdimatları gələn həftə davam
edəcək.
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi