Qırmızı.az

34 yaşlı qadın özünü asıb

30 Noyabr 2014 16:54

Bu gün Xaçmaz rayonunun Xudat şəhərində səhərə yaxın intihar hadisəsi baş verib.

ANS PRESS-in məlumatına görə, hadisə Xudat şəhərinin birinci şöbə adlanan yeni salınmış yaşayış massivində baş verib. İntihar edən şəxs 1980-ci il təvəllüdlü Əhmədova Zöhrə Şamil qızıdır. O, yaşadığı evin həyətində çörək bişirmək üçün ayrılmış yerdə özünü asaraq intihar edib.

Bu barədə onun ailə üzvləri səhər saat 9:00 radələrində Xaçmaz rayon polis şöbəsinin Xudat bölməsinə xəbər veriblər.

Hadisə yerinə polis və Xaçmaz rayon Prokurorluq əməkdaşları gəlib. Mərhumun meyidi tibbi ekspertiza üçün morqa aparılıb. Faktı Xaçmaz rayon prokurorunun böyük köməkçisi Əlibaba Şahverənov təsdiqləyib.

Qeyd edək ki, mərhumun məktəbli övladları var. Onlar dindirilmə zamanı analarının heç bir problem olmadığını deyiblər.