Qırmızı.az
Məscidi yandıranların gizlin planları açılandı
“Bakıda Qaraçuxur məscidini yandıranların ölkəmizdəki İraq səfirliyi qarşısında etiraz aksiyaları keçirmək planı olub. Onlar bu aksiyalarda qarışıqlıq salmağı nəzərdə tutublar. Bununla həm diqqəti İŞİD probleminə yönəltmək, həm də məsciddə xəvariclərin olduğuna işarə vermək istəyiblər”.
Bu xəbəri Axar.az-a verən mötəbər qaynağın sözlərinə görə, PKK-nın Azərbaycandakı “Yekbun” təşkilatı həmtəsisçiləri Namiq Nəsibov və Elnur Ələkbərov ətrafındakı kürdlərlə etiraz nümayişləri keçirmək niyyətində olublar.
Onlar bu aksiyaları təşkil etməzdən əvvəl Qaraçuxur məscidini yandırmaq, diqqəti yayındırmaq planı cızıblar. Mənbənin sözlərinə görə, “Yekbun”çular məscidi yandırmaqla ibadət evində İŞİD tərəfdarı olan qüvvələrin namaza gəldiyini nəzərə çatdırmaq istəyiblər.
Çünki hazırda Kobanidə PKK və İŞİD arasında amansız savaş gedir. N.Nəsibov da Suriyadan qayıtdıqdan sonra planlaşdırdığı təxribatı həyata keçirməyə cəhd göstərib. Onun təsis etdiyi təşkilat “Yekbun” isə yeni yaranıb və rəsmi qeydiyyatdan keçməyib.
Milli Təhlükəsizlik Nazirliyinin yaydığı rəsmi məlumatda da qeyd olunub ki, onlar aksiya keçirmək istəyiblər. Lakin bu, baş tutmayıb. Mənbə qeyd edir ki, məscid tamamilə yansaydı və aksiyalar baş tutsaydı, onlar Bakıda böyük qarışıqlıq salmağa nail olacaqdılar. Amma hüquq-mühafizə orqanları tədbirli olub.
Xatırladaq ki, Milli Təhlükəsizlik Nazirliyi tərəfindən
keçirilmiş anti-terror tədbirləri nəticəsində Bakı şəhəri, Binəqədi
rayonunun Biləcəri qəsəbəsində həmin cinayəti törətməkdə şübhəli
bilinən Azərbaycan Respublikasının vətəndaşları - Nəsibov Namiq
Kamil oğlu və Ələkbərov Elnur Tahir oğlu saxlanılıblar.
Namiq Nəsibovun üzərindən "Makarov" tipli tapança və 8 ədəd 9 mm
çaplı patron, Elnur Ələkbərovun isə üzərindən "Smit-Vesson" markalı
revolver aşkar edilərək götürülüb. Müəyyən edilib ki, Namiq Nəsibov
2014-cü ilin avqust-sentyabr aylarında PKK terrorçu təşkilatının
nəzarətində olan Suriya Ərəb Respublikasının ərazilərinə gedərək
oradakı döyüşlərdə iştirak edib.
Namiq Nəsibov Suriyanın Kobani şəhərindən qayıtdıqdan sonra Elnur Ələkbərov ilə birgə PKK terrorçu təşkilatının respublikamızda qanadı olaraq qeyri-rəsmi “Yekbun” təşkilatını yaradıblar və ətraflarına tərəfdarlar toplamağa başlayıblar. Namiq Nəsibov və Elnur Ələkbərov İnternetdə sosial şəbəkələr vasitəsi ilə yaratdıqları təşkilatın adından Bakı şəhərində aksiyaların keçirilməsi üçün çağırışlar da ediblər.
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO
-
MDB09:36
Putin o gecə yuxuya getməyib - Səhərə qədər...
-
Avropa09:18
Xanım jurnalist həbs edildi - FOTO
-
Ekologiya09:00
İsti ərazilər daha da istiləşəcək, soyuq yerlər isə... - Alimlərdən XƏBƏRDARLIQ