Qırmızı.az

Aptek müdirinin başına vurub pulunu aldılar

7 Dekabr 2014 10:15

Gədəbəydə üzü maskalı şəxs aptek müdirinin başına çəkiclə vuraraq onu qarət edib.

Kəpəz TV-nin verdiyi məlumata görə, hadisə rayonun mərkəzində baş verib. Rayon sakini 65 yaşlı Əfraim Hacıyev axşam işlədiyi apteki bağlayıb evə gedərkən üzü maskalı bir nəfər arxadan ona yaxınlaşaraq başına çəkiclə 3-4 zərbə vuraraq yerə yıxıb. Daha sonra o Əfraim Hacıyevi bıçaqla hədələyib və üstündəki bütün pulları götürərək hadisə yerindən qaçıb.

Başından yaralanan Əfraim Hacıyev isə evə gəlib və yaxınları hadisə ilə bağlı dərhal Daxili İşlər Nazirliyinin 102 qaynar xəttinə və rayon polis idarəsinə məlumat verib. Yaralı Gəncə şəhər Təcili Tibbi Yardım xəstəxanasının travmatalogiya şöbəsinə gətirilib və başı rentgen olunub. Həkimlər Əfraim Hacıyevin vəziyyətinin yaxşı olduğu bildirirlər.