Qırmızı.az
“18 yaşdan aşağılara qadağandır!”
İctimai Palata 22 aprel aksiyasında 18 yaşdan aşağı şəxslərin mitinqə buraxılmadığını iddia edir. AXCP-nin sədr müavini Həsən Kərimov məsələyə münasibət bildirərkən bunu ciddi qanun pozuntusu adlandırıb.
Publika.Az-a açıqlamasında Daxili İşlər Nazirliyi mətbuat
xidmətinin nümayəndəsi Orxan Mənsurzadə isə bunu təkzib edib.
Aksiyanın icazəli olduğunu xatırladan Orxan Mənsurzadə onlarda belə
bir informasiyanın olmadığını bildirib: “Aksiya icazəlidirsə, belə
bir qadağa qoyula bilməz”.
Bəs qanunvericiliyin bu məsləyə münasibəti necədir? Millət vəkili
Çingiz Qənizadə bildirib ki, qanunvericilikdə bu barədə konkret bir
məqamın olub-olmadığını deyə bilməz. Bununla belə o, istər
müxalifət, istərsə də iqtidarın təşkil etdiyi siyasi aksiyalarında
yaşı 18-dən az olan şəxslərin iştirakını düzgün və əhəmiyyətli
saymır.
Hüquq müdafiəçisi İntiqam Əliyev qeyd edib ki, bu məsələ ilə bağlı
bir sıra ziddiyyətlər var: “Yaşı 18-dən aşağı olanların aksiyalarda
iştirakına icazə verilməməsi ilə bağlı qanuni normalar var. Digər
tərəfdən, mitinqlərin mahiyyətində bir etiraz dayanır. Mitinqlər
küçədə də, qapalı yerdə də keçirilə bilər. Ona görə də aksiyaya
qoşulan adamın yaşını müəyyənləşdirib, qarşısını almaq mümkün
deyil”.
Vəkil Anar Qasımlının sözlərinə görə, aksiyaya uşaqların
qoşulub-qoşulmaması ilə bağlı qanunvericilikdə bir sıra maraqlı
məqamlar var. 7 yaşına qədər uşaqların heç bir fəaliyyət
qabiliyyətinin olmadığını deyən vəkili bildirib ki, onların heç bir
halda siyasi tədbirlərdə iştirakına icazə verilmir. 7-16 arası
yaşlı uşaqların isə müəyyən vəzifələr əldə etdiyini söyləyən Anar
Qasımlı qeyd edib ki, onlar valideynlərin və ya himayəçilərin
yanında müəyyən fəaliyyətlə məşğul ola bilərlər.
“Sərbəst toplaşmaq azadlığı haqqında” qanunda uşaqların siyasi
tədbirlərdə birbaşa iştirakına qadağa qoyulmadığını vurğulayan Anar
Qasımlı “Uşaq hüquqları haqqında” qanunda vəziyyətin fərqli
olduğunu dilə gətirib: “Qanunun 26-cı maddəsində yazılıb ki,
uşaqların siyasi fəaliyyətə cəlb olunmasına yol verilmir. Bu
baxımdan yanaşsaq onların mitinqlərə gətirilməsini yolverilməz
hesab etmək olar. Digər tərəfdən, uşağın mitinqə gətirilməsi uşağın
mənafeyinə ziddirsə, məsələyə aidiyyəti qurumlar qarışa və məhkəmə
qarşısında iddia qaldıra bilər. Hesab edək ki, valideyn 10 yaşında
olan uşağını məktəbdən kənarlaşdırıb aksiyaya aparır. Bu zaman
iddiaçı tərəf kimi məktəb çıxış edə bilər”.
Vəkil hesab edir ki, hüquq-mühafizə orqanları mitinqə bir neçə gün
qalmış uşaqlarla bağlı çağırış edə bilər: “Burada söhbət sadəcə
tövsiyədən gedir. Qəti şəkildə qadağa qoyula bilməz. Polisin
insanları saxlayıb yoxlaması, uşaqların buraxılmaması tələbi
özlüyündə qanunidir, polisin tələblərində qanuni məqamlar var. Amma
polisin həmin anda hərəkəti, yəni azyaşlını zorla oradan
uzaqlaşdırması qanunsuzdur. Bu tələbi əvvəlcədən xəbərdarlıq
etməklə bildirmək olar”.
Ömər Əmirov
Publika.Az
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO