• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Tovuzda evdə partlayış oldu, xəsarət alan var - FOTOLAR

Tovuzda evdə partlayış oldu, xəsarət alan var - FOTOLAR

Tovuzda dünən gecə yaşayış evində partlayış olub, bir nəfər xəsarət alıb.

Publika.az xəbər verir ki, rayonun Abulbəyli kəndində, Qəribə Həsənovaya məxsus evdə baş verən partlayış küçənin sonuncu evində də titrəyişə səbəb olub.

Partlayış ev sahibinin gəlini Ceyran Həsənovanın otağa girib işığı yandırdığı zaman baş verib. Dəhşətli hadisə zamanı döşəmənin taxtası göyə sovrulub, əşyalar isə tavandan asılı qalıb.

Evə daxil olmaq istəyən 27 yaşlı Ceyran Həsənova isə müxtəlif dərəcəli yanıq xəsarətləri, kəllə-beyin travması alaraq Tovuz Rayon Mərkəzi Xəstəxanasına çatdırılıb.

İlkin tibbi yardım edilkdən sonra zərərçəkən paytaxt xəstəxanalarından birinə göndərilib.

Güclü partlayışın səsinə yığışan qonşular isə bədbəxt hadisəyə səbəb kimi evin yaxınlığından keçən qaz borusunda yaranan nasazlıqlığı göstərirlər. Onların sözlərinə görə,borudan sızan qaz yaşayış evinin zirzəmisinə dolub, xoşagəlməz hadisədə bundan sonra baş verib.

Qəribə Həsənovanın mənzilində 2-si azyaşlı olmaqla 6 nəfər yaşayır.

Qeyd edək ki, bu, son bir ay ərzində Tovuzda yaşayış evində baş vermiş üçüncü partlayışdır.

Xəbər lenti

DAHA ÇOX XƏBƏR