• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Moskvada azərbaycanlılar atəşə tutuldu: bir ölü, iki yaralı - VİDEO

Moskvada azərbaycanlılar atəşə tutuldu: bir ölü, iki yaralı - VİDEO

Moskvanın Vilnüs küçəsindəki azərbaycanlılara məxsus “Şərq nağılı” kafesində atışma baş verib.

Publika.az -ın “lifenews.ru” saytına istinadən verdiyi məlumata görə, atışmada bir nəfər ölüb, ikisi yaralanıb.

Hüquq-mühafizə orqanlarındakı mənbə bildirib ki, atışmaya iki qrup arasındakı gərgin münasibətlər səbəb olub. Paytaxt polisindən ölüm faktını təsdiq ediblər.

Hazırda hadisə yerində müstəntiqlər və kriminalistlər işləyirlər. Son informasiyaya görə, polis qətldə şübhəli hesab olunan qara geyimli üç nəfəri axtarır. Hüquq-mühafizə orqanlarının məlumatına görə, bütün cinayətkarlar silahlıdır.

Bundan başqa, atışma zamanı zərər çəkənlərin şəxsiyyətləri məlum olub. Çiynindən güllə yarası alan Babayev 71 saylı şəhər klinik xəstəxanasına, qarnından güllə yarası alan Abdullayev isə Sklifosovski adına institutun xəstəxanasına yerləşdirilib. Aydın Paşaliev isə öldürülüb.

Ömər Dağlı

Xəbər lenti

DAHA ÇOX XƏBƏR