Qırmızı.az
Azərbaycanda cinsini dəyişənlər: harada və neçəyə
Azərbaycanda kişinin qadına, qadının kişiyə çevrilməsi,
yəni cinsiyyətin dəyişdirilməsi qanunla qadağandır. Amma bu qanuna
bir çox hallarda özəl klinikalar məhəl qoymur. Rəsmi şəkildə icazə
verilməsə də, sosial şəbəkələrdə əməliyyat olunaraq cinsiyyətini
dəyişən yerli “üzdəniraqlar”a addımbaşı rast gəlmək mümkündür.
Maraqlıdır, qanun icazə vermirsə, bəs Kamillər necə Kama
olurlar?
Söhbət cinsiyyətin dəyişdirilməsindən gedir. Yəni bu günün
kişisi sabahın incə belli, uzun saçlı qadını və yaxud bu günün
zərif qadını sabahın üzü tüklü, enli kürək kişisi!!!
Publika.az xəbər verir ki, AzVision.az
Azərbaycanda cinsiyyətin dəyişdirilməsi ilə bağlı araşdırma aparıb.
Araşdırma zamanı cinsiyyətin hansı klinikalarda, neçəyə
dəyişdirilməsi ilə bağlı maraqlı faktlar əldə edilib.
Özəl klinikalarda isə milyonlarla manata cinsiyyət
dəyişdirilir.
“Ondakı matkadır, yoxsa kişi cinsiyyət üzvü... Yumurtalığı,
yoxsa toxumluq kanalı var. Fərq etməz birini kəsib, birini
saxalayırıq. Translardan hər gün zəng gəlir. Əməliyyatdan heç kimin
xəbəri olmur”.
İlk getdiyimiz ünvan Nəsirəddin Tusi adına Klinika oldu.
Klinikanın həkimləri əməkdaşımızla söhbətində cinsiyyət dəyişmək
üçün müraciət edənlər olsa da, onlar bu əməliyyatları
keçirmədiklərini bildirirlər.
Buna səbəb isə onlarda lazımi “kəsib-tikmək alətləri” və
“texnikalar”ı yoxdur:
“Həmin şəxslərə yalnız psixoloji yardım göstərə bilərik. Bizdə
bu əməliyyat olunmur. Plastik əməliyyat keçirən xəstəxanalarda bu
mümkündür. Əməliyyatdan öncə həmin şəxsi seksopotoloqa aparmaq
lazımdır. Hormanları yoxlanmalıdır. Bizim bu işlə məğul olan
həkimimiz yoxdur. Sırf estetik cərrah lazımdır. Həmin şəxslər
əməliyyat olunurlar. Amma yenə də nə qadın kimi qadın, nə də ki
kişi kimi kişi olacaqlar. Elə xəstələr Bakıdan uzaqlaşdırılsa, daha
yaxşı olar”.
Klinikanın adını açıqlamadığımız həkimi qeyd edib ki, Bakıdakı
özəl klinikalarda belə əməliyyatlar aparılır. Xətai və İstanbul FBM
klinikaları bu işlərlə məşğuldurlar.
Təbii ki, bəri başdan bilirdik ki, özümü jurnalist kimi təqdim
etsəm, müraciət etdiyimiz klinikalar “bizdə belə əməliyyatlar
keçirilmir” deyə cavab verəcəkdilər.
Üz tutduq Xətai Estetik Klinikasına... Əməkdaşımız tanışının
cinsiyyətini dəyişmək istədiyini əsas gətirərək bunun mümkün
olub-olmadığını dəqiqləşdirməyə çalışıb:
Klinikanın estetik cərrahının sualımıza ilk cavabı belə
oldu:
“Sizdən bir saat öncə əzilib-büzülən, incə səsli bir kişi zəng
vurmuşdu. O, cinsinin dəyişdirilməsini istəyirdi. Telefonda o qədər
əzilib-büzüldü ki, vəziyyətinin çox ağır olduğunu
fikirləşdik”.
Elə xəstəxananın girişindəcə məlum oldu ki, “əsil axtardığımız
ünvan”a gəlmişik. Bütün xəstələrin əllərindən gəlib-keçdiyi
xəstəxana işçiləri olan qızlar belə əməliyyatların aparıldığını və
heç bir problemin olmadığını söylədilər. Onların bildirdiklərinə
görə, bu xəstəxanda cinsiyyət dəyişdirmək istəyənlərin də
bəxtəvərləri də olur.
Belə ki, biseksuallarda (iki cinsiyyət üzvlü ) asanlıqla bir
cinsiyyət üzvü kəsilir və təkcinsiyyətli bir şəxs
yaradılır:
“Bizə bu əməliyyata görə yaxınlaşan xeyli sayda adam var.
Matkası və o biri cinsiyyət orqanı varsa, bu daha asan olacaq.
Oturub həkimi gözləyin...”
Nəhayət, sözügedən məşhur türk həkim əməliyyatını bitirib gəldi və
başladıq söhbətə: “Xəstəni əvvəl görmək istəyirəm”.
Məlum oldu ki, az yaşlı birisi üzərində belə bir əməliyyat
aparmaq üçün bir az gözləmək lazımdır. Çünki azyaşlılarda inkişaf
gedir: “18 yaşdan sonra bu əməliyyat edilsə, yaxşıdır”.
Həkimin bildirdiyinə görə, bu əməliyyatı aparmazdan öncə lazımi
məhkəmə orqanlarından icazə kağızı və ən azı 3 ayrı-ayrı
psixoloqdan rəy almaq lazımdır. Onun sözlərinə görə, əməliyyat çox
ağırdır. Bunun üçün müəyyən şərtlərə əməl edilməlidir:
“Bu çox çətin bir əməliyyatdır. Əməliyyat 6 saat çəkə bilər.
Əgər çətin olsa, İstanbula göndəririk. Biz bu əməliyyatları çox
etmişik. Əsasən isə 25-30 yaşlı şəxslərin cinsiyyətini
dəyişdirmişik. 15 yaşlı və yaxud daha azyaşlıları əməliyyat
etmirik. Çünki onlarda inkişaf gedir. Burada sadəcə estetik
əməliyyatlar aparırıq”.
Bəs əməliyyat necə aparılır?
“Biz əvvəlcə aşağı bölgədə əməliyyat aparırıq. Bu əməliyyatı
aparmaq üçün bədənin başqa yerlərində kəsim aparmırıq. Həmin
əməliyyat zamanı mikroskopdan istifadə edirik ki, xəstənin
damarlarına zərər dəyməsin. Əməliyyat zamanı hüceyrələrə də zərər
dəyməməlidir. Bir az texniki, alət çatışmazlıqlarımız var”.
Əməliyat təkcə kəsib-tikməklə yekunlaşmır. Belə əsas işlər
bundan sonra başlayır:
“Belə əməliyyatlar çox etmişəm. Heç bir problem olmaz.
Əməliyyatdan sonra həmin şəxsə hormon müalicəsi etmək lazımdır.
Sinə və üz əməliyyatları vacibdir. Onun kişiyə bənzəməsi üçün burun
əməliyyatı edilməlidir. Əməliyyatdan sonra həmin şəxsin üz
hissəsinə müəyyən implantlar qoymaq lazımdır. Döş hissəsinə isə
protezlər qoyuruq. Bunlar hamısı əlavə xərclər tələb edir”.
Kimlər bu əməliyyata gedirlər?
“Cinsiyyətini dəyişdirmək istəyən kişi qız kimi olmalıdır. O,
psixoloji olaraq da özünü qadın kimi hiss etməlidir. O zaman
əməliyyat vacibdir. Başqa yolu yoxdur. Həmin şəxslər bütün
hərəkətləri özlərindən aslı olmayaraq edirlər. Elə xəstələri
müəyyən hərəkətlərə görə suçlamamalıdırlar. Həmin şəxslərin
istənilməyən hərəkətləri hormonlardan asılıdır”.
Bu əməliyyatı etdirmək üçün isə insanlar minlərlə dollar pul
xərcləyirlər. Həkim ilk əməliyyat üçün ödənilən pulun məbləğini də
açıqlayıb:
“Əgər psixoloq rəy verirsə, həmin şəxslərin cinsiyyətini 100
faiz dəyişmək lazımdır. Məhkəmədən icazə kağızı və psixoloqdan rəy
alınarsa, mən əməliyyat edirəm. Azyaşlı birisini isə əməliyyat
etmək üçün gözləyirəm. Bəzi insanlarda 18 yaşa qədər, bəzilərində
isə 21 yaşa qədər inkişaf gedə bilir. İnkişaf bitməmiş əməliyyat
etmək olmaz. Belə əməliyyat üçün İstanbul daha yaxşıdır.
İstanbuldakı əməliyyatla buradakı əməliyyat arasında elə də böyük
qiymət fərqi yoxdur. Cinsiyyət dəyişdirilməsi əməliyyatı bir az
bahalıdır. İlk əməliyyat təxminən 10 min dollara başa gəlir. İlk
əməliyyat çox önəmlidir. Bunun üçün çoxlu aparatlar lazımdır. Həmin
cinsiyyət üzvünü kəsmək, başqa birisini onun yerinə tikmək üçün
aparatların olması çox vacibdir. Burada əməliyyatı aparmaq üçün
böyük mikroskoplar yoxdur. İlk əməliyyat üçün tələb olunan
mikroskop cihazının qiymət 300-400 min manatdır. Həmin əməliyyatı
adi gözlə aparmaq olmaz. Əməliyyatdan sonra həmin şəxslərə mən özüm
nəzarət edirəm. Əməliyyatın harada aparılması məsələsini isə
xəstəni gördükdən sonra deyə bilirəm”.
Adıçəkilən klinikada apardığımız müşahidə zamanı cinsiyyətini
dəyişmək üçün həkimə müraciət edən bir neçə nəfərə rast gəldik.
Onlarla həmsöhbət olmaq istəsək də, buna icazə vermədilər.
Əldə etdiyimiz digər məlumata görə, klinikada üzü tüklü,
enlikürək, qalın səsli kişinin incə belli, nazik qaşlı, ehtiraslı
sinəyə qadına çevrilməsi üçün cəmi 50-60 min manat pul
lazımdır.
Araşdırmamızı davam etdirərək üz tutduq Səhiyyə Nazirliyinin
Mərkəzi Neftçilər Xəstəxanasına. Burada isə bizə bildirdilər ki,
orada ümumiyyətlə cinsiyyətin dəyişdirilməsi ilə bağlı heç bir
əməliyyat aparmırlar.
Daha bir estetik cərrahiyyə ilə məşğul olan Istanbul FBM Estetik
Klinikasında olduq.
Buradakı vəziyyət isə daha gözlənilməz oldu. Belə ki, burada da
cinsiyyət dəyişməsi əməliyyatını həyata keçirən həkimlərə rast
gəldik. Bu işlə məşğul olan həkimin adını öyrəndik, amma özünü
xaricdə olduğu üçün görə bilmədik. Klinikadan bildirildi ki, həmin
həkimin (Dr. Professor Ə.C) qəbuluna düşmək üçün fevral ayına qədər
gözləmək lazımdır:
“Belə əməliyyatın burda da aparılması mümkündür. O, işlərlə
həmin türk həkimimiz məşğul olur. Biz qızıq, guya nəsə etmişik ki,
oğlan olub da nəsə edəcəyik? Həmin həkim bizə dedi ki, Türkiyəyə
cinsiyyət dəyişdirilməsi əməliyyatı üçün gedib. Hələ belə bir
əməliyyat burada edilməyib. Amma mümkündür. Əməliyyatın qiymətini
isə həkim özü müəyyənləşdirir. Qiyməti isə görüləcək işdən asılı
olaraq dəyişəcək. Xaricə getməyə də əsas yoxdur. Burada da
mümkündür”.
Daha sonra Mərkəzi Klinikada da olduq. Orada isə estetik
cərrahiyyə ilə məşğul olan bir (T.S – şərti adı) həkim çalışır.
Həkim bizə bildirdi ki, belə əməliyyatlar Mərkəzi Kilinikada
ümumiyyətlə aparılımır:
“Bizdə elə əmliyyatlar icra olunmur. Türkiyəyə gedilsə, daha
yaxşı olar. Amma Almaniya və Avropa ölkələrində də bu
əməliyyatların keçirilməsini daha uğurlu hesab edirəm”.
Məsələ ilə bağlı Səhiyyə Nazirliyinin mövqeyini öyrəndik.
Nazirliyin mətbuat xidmətinin rəhbəri Anar Qədirli AzVision.az-a
açıqlamasında bildirib ki, bu əməliyyatların aparılması Azərbaycan
qanunvericiliyində nəzərdə tutulmayıb, qadağandır:
“Dövlət və özəl klinikalarının heç birində cinsiyyət
dəyişdirilməsi əməliyyatı keçirilə bilməz. Qanunvericilikdə
cinsiyyət dəyişdirilməsi ilə bağlı icazə olmalıdır. Azərbaycanda
aparıla biləcək əməliyyatların siyahısı mövcuddur. Hələlik belə
əməliyyatlar dövlət və özəl xəstəxanalarda keçirilə
bilməz”.
Bir müddət öncə isə Azərbaycanda 10-a yaxın şəxsin cinsini
dəyişməsi ilə bağlı məlumatlar yayılmışdı.
Azərbaycanda bu sahədə yeganə mütəxəssis həkim –
Avropa-Beynəlxalq Estetik, Plastik və Rekonsturktiv Cərrahlar
Cəmiyyətinin üzvü mərhum Camal Əzimzadə olub (O, bir müddət əvvəl
rəhmətə gedib). O, mətbuata müsahibələrində bildirib ki, ölkəmizdə
cinsini dəyişdirmək istəyən kişilərin sayı qadınlardan daha çoxdur.
Belə ki, 2002-ci ildən bu günədək cinsin dəyişdirilməsi üzrə
təxminən 30-35 nəfər müraciət edib. Onların arasında gənclər daha
çox üstünlük təşkil edir. Müraciətlərdən isə yalnız 9-u üzrə
cinsiyyət dəyişikliyi aparılıb, bunlardan da 8-i kişi, 1-i
qadındır. 2012-ci ildə Azərbaycanda cinsiyyətin dəyişdirilməsi ilə
bağlı bir əməliyyat belə aparılmayıb.
Qeyd edək ki, Azərbaycanda cinsi dəyişmə üzrə mütəxəssis –
Avropa-Beynəlxalq Estetik, Plastik və Rekonstruktiv Cərrahlar
Cəmiyyətinin üzvü Camal Əzimzadə ötən il dünyasını dəyişib.
Xatırladaq ki, cinsi əməliyyat keçirən ilk kişi britaniyalı Corc
Cemison olub. Onun bu addımı mətbuatda böyük səs-küy doğurub. İndi
onun 80-ə yaxın yaşı var, adı isə Miss Eypril Eşlindir. O aktrisa
və eyni zamanda transseksualların hüquqları üzrə mübarizə
təşkilatının üzvüdür.
Qonşu Türkiyədə sənətçilər Bülənt Ərsoy və Zəki Müren də cinsini dəyişən məşhurlardandır. Türkiyənin məşhur aktirası Nil Erkoçlar isə, cinsiyyət dəyişdirərək xanımlıqla vidalaşın, kişi olub. Onun yeni adı isə Rüzgar Erkoçlardır.
İslam ölkəsi olan İran cinsini dəyişən insanlara görə lider
ölkələrdən biridir. Bundan başqa, cinsini dəyişənlərin regionları
arasında Avropa və ABŞ əsas yeri tutur. Avropada bu cür hal normal
qarşılanır, hətta Polşa parlamentində cinsini dəyişən deputat da
var.
Bir neçə gün öncə isə Türkiyədə ABŞ-ın İstanbuldakı baş konsulunun
evlilik xəbəri yayılıb. Baş konsul Çarlz F.Hunterin türkiyəli
Ramadan Çaysevər ilə evlənəcəyi ilə bağlı iddialar yayılıb. Toy
mərasiminin bu ayın sonu Amerikada baş tutacağı qeyd edilib. Artıq
ABŞ Xarici İşlər Nazirliyinin homoseksual evliliyə razılıq verdiyi
bildirilir.
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin119 Aprel 20:59
Dilarə səhnə geyimi ilə gündəm oldu - VİDEO
-
Elm və təhsil19 Aprel 20:40
Buraxılış imtahanının nəticələri açıqlandı