Qırmızı.az
MTN narkotik daşıyanları tutdu
Milli Təhlükəsizlik Nazirliyinin (MTN) keçirdiyi əməliyyat tədbirləri nəticəsində İran İslam Respublikasından qaçaqmalçılıq yolu ilə Azərbaycan ərazisinə qanunsuz olaraq narkotik vasitələrin daşınması ilə məşğul olan şəxslər ifşa edilib. Onlardan ümumilikdə 9 kiloqram 700 qramdan artıq narkotik vasitə aşkar edilərək götürülüb.
MTN-in ictimai əlaqələr mərkəzindən APA-ya verilən məlumata görə,
Azərbaycan vətəndaşları - Rəhimov Malik Yelmar oğlu, Heydərov
Soltan Əhməd oğlu, Alışov İlqar Həmdulla oğlu, habelə hazırda
şəxsiyyəti istintaqla araşdırılan İran İslam Respublikasının Əziz
adlı vətəndaşı və qeyriləri qabaqcadan əlbir olaraq İran İslam
Respublikası ərazisində satış məqsədilə qanunsuz əldə etdikləri
külli miqdarda narkotik vasitəni gömrük sərhədindən gömrük
nəzarətindən kənar keçirməklə İrandan Azərbaycana gətirmişlər.
Qrupun üzvləri yaxalanmış, onlardan 2 kiloqram 600 qramdan artıq
heroin aşkar edilərək götürülmüşdür.
Milli Təhlükəsizlik Nazirliyinin həyata keçirdiyi digər əməliyyat
tədbiri nəticəsində Azərbaycan Respublikasının vətəndaşları -
Kərimov Elməddin Şəmsəddin oğlu və Quliyev Elxan Qulu oğlu
saxlanılmışlar. Belə ki, Elməddin Kərimov, Elxan Quliyev və
qeyriləri qabaqcadan əlbir olaraq külli miqdarda narkotik vasitəni
gömrük sərhədindən gömrük nəzarətindən kənar keçirməklə İrandan
Azərbaycana gətirmişlər.
Müəyyən edilmişdir ki, Elməddin Kərimov, Elxan Quliyev, habelə
hazırda şəxsiyyətləri istintaqla araşdırılan İran İslam
Respublikasının Cəfər və Əziz adlı vətəndaşları arasında əvvəlcədən
əldə edilmiş razılığa əsasən, sonuncular külli miqdarda narkotik
vasitəni İranda satış məqsədilə qanunsuz olaraq əldə etmiş, qaçaq
yolla Füzuli rayonu istiqamətindən İrandan Azərbaycana gətirmiş və
Arayatılı kəndi yaxınlığında Elxan Quliyevə təhvil vermişlər. Elxan
Quliyev də həmin narkotik vasitələri Elməddin Kərimova İmişli
rayonunun Bəhramtəpə qəsəbəsinin yaxınlığında verilməsi barədə
sonuncu ilə razılaşmışdır. Elməddin Kərimov idarə etdiyi "VAZ 2106"
markalı avtomobili ilə İmişli rayonunun Bəhramtəpə qəsəbəsinə
gələrək Elxan Quliyevi gözləməyə başlamışdır. Lakin sonradan
Elməddin Kərimov görüş yerini Beyləqan rayonu ərazisinə
dəyişmişdir. Elxan Quliyev yolüstü taksi avtomobili ilə Elməddin
Kərimovun gözlədiyi yerə gəlib sonuncunun idarə etdiyi avtomaşınla
yenidən Füzuli rayonuna qayıdaraq həmin narkotik vasitələri təhvil
verməyi planlaşdırmışdır. Lakin Elxan Quliyev Beyləqan rayonu
ərazisində, onu gözləyən Elməddin Kərimov isə İmişli rayonunun
Bəhramtəpə qəsəbəsində saxlanılmışlar. Elxan Quliyevin yaşadığı
Füzuli rayonunun Arayatılı kəndində yerləşən evində keçirilmiş
baxış zamanı 1 kiloqram 200 qramdan artıq heroin, 2 kiloqram 901,1
qram olan tiryək və 1 kiloqrama yaxın həşiş qətranı aşkar edilərək
götürülmüşdür.
Milli Təhlükəsizlik Nazirliyinin həyata keçirdiyi daha bir
əməliyyat tədbiri nəticəsində Azərbaycan Respublikasının
vətəndaşları - Quliyev Yusif Rüfət oğlu, Feyziyev Zəfər Ağamirzə
oğlu və Zeynalov Sədirədin Həmit oğlu saxlanılmışlar. Yusif
Quliyev, Zəfər Feyziyev, Sədirədin Zeynalov və qeyriləri qabaqcadan
əlbir olaraq İran İslam Respublikası ərazisində satış məqsədilə
qanunsuz əldə etdikləri külli miqdarda narkotik vasitəni Azərbaycan
Respublikasının gömrük sərhədindən gömrük nəzarətindən kənar
keçirməklə İrandan Azərbaycana gətirmişlər.
Müəyyən edilib ki, Yusif Quliyev 2011-ci ilin sonlarında İrana
getmiş və hazırda şəxsiyyəti istintaqla araşdırılan İran İslam
Respublikasının İmayət adlı vətəndaşı ilə görüşüb, ona satış
məqsədi ilə 2 kiloqram heroin sifariş vermişdir. Bundan sonra
iranlı İmayət külli miqdarda narkotik vasitəni qaçaq yolla
Azərbaycan ərazisinə keçirərək qrupun digər üzvü Zəfər Feyziyevə
çatdırmışdır. Yusif Quliyevlə Sədirədin Zeynalov Abşeron rayonunun
Aşağı Güzdək kəndinin yaxınlığında Zəfər Feyziyevdən narkotik
vasitəni alarkən cinayət başında yaxalanmışlar. Keçirilmiş baxış
zamanı qrupa məxsus təxminən 2 kiloqram heroin aşkar olunaraq
götürülmüşdür.
Bütün faktlarla bağlı MTN-in İstintaq Baş İdarəsi tərəfindən
Azərbaycan Respublikası Cinayət Məcəlləsinin 206.3.2-ci (qabaqcadan
əlbir olan bir qrup şəxs tərəfindən narkotik vasitələrin
qaçaqmalçılığı), 234.4.1-ci, 234.4.2-ci və 234.4.3-cü (qabaqcadan
əlbir olan bir qrup şəxs tərəfindən külli miqdarda narkotik
vasitələri əldə etmə, daşıma, saxlama və ya satma) maddələri ilə
cinayət işləri başlanılmışdır. Adları cəkilən şəxslər
təqsirləndirilən şəxs qismində cəlb olunaraq barələrində məhkəmənin
qərarları ilə həbs qətimkan tədbiri seçilib. İstintaq-əməliyyat
tədbirləri davam etdirilir.
Publika.Az
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO