Qırmızı.az
8 martda doğulan kişilər
Solun və qadının bayramı
İldə bir dəfə qadınlarımızın zərif varlıqlar olmasını xatırladan
bayram varsa, bu, 8 Mart - Beynəlxalq Qadınlar Günüdür. Bu gün hər
şey qadınların ətrafında dolanır. Kişilərin çoxu bu bayramı
sevməsələr də, qeyd etməyə məcburdurlar. Çünki Klara Setkinin
başlatdığı hərəkatın ardınca 8 Mart qadınlar bayramı kimi qeyd
olunmağa başladı.
Bu gün iş günü hesab edilmir. Küçələrdə əlində güllər, hədiyyələrlə
evə tələsən kişilər, sevdiyi qıza hədiyyə vermək həyacanını yaşayan
oğlanlar, şıdırğı alver edən satıcıların gülər üzü...Amma biz bu
bayram günündə qadınlardan deyil, məhz 8 Martda doğulan kişilərdən
danışacağıq, bacardığımız qədər onları sizə tanıdacağıq...
Qadınlara hədiyyə kimi doğulmuş Andrey Mironov
Rusiya kinosunun unudulmaz aktyoru Andrey Mironov 1948-ci il martın
8-də dünyaya gəlib. Əslində Andrey Mironov 7 mart tarixində anadan
olubmuş, amma valideynləri doğum tarixini 8 mart yazdırıblar.
Sonralar hamı "Andrey - 8 mart üçün qadınlara bir hədiyyədir”
deyirdi.
Solçu qadınlara hədiyyə - Məmməd Süleymanov
8 martda doğulan digər məşhur pesona solçu yazar Məmməd
Süleymanovdur. Onun bu il 42 yaşı tamam olur: “Mənim üçün bu günün
özəlliyi odur ki, mən həmin gün ad günümü keçirirəm, qadınlar
bayramını qeyd eləmirəm. Yəni mən udmuş oluram. Əslində, mən martın
7-də, gecə saat 11-də , yəni 8 Marta bir saat qalmış
doğulmuşam”.
M.Süleymanov deyir ki, cavanlıqda xanımını Beynəlxalq Qadınlar
Günündə təbrik edib. Amma indi bu təbrik “ixitsar”a düşüb: “ Amma
indi təbrik etmirəm. Bu illər ərzində ən yaddaqalan hədiyyə dostum
Şahin Əbiyevin hədiyyəsidir. Hardasa 10 il bundan əvvəl dostum dedi
ki, gedək sən özün istədiyin kitabı seç, sənə hədiyyə edim.
Hədiyyəmi özüm seçdiyimə görə, yadımda qaldı. Tibb ensiklopediyası
və daha bir neçə kitab sahibi oldum. Xanımıma gəldikdə, o, həmişə
mənə sürpriz hədiyyələr edir”.
Yazıçı öz xanımını ilin hansı günündə təbrik edir? Onun cavabı:
“Təbii ki yeni il, Novruz bayramı müəyyən qədər, sevgililər günü
həyat yoldaşımı təbrik edirdim. Açığı, mən heç vaxt hədiyyə
verməmişəm. Bəlkə də belə bir şey olub, amma bu minillikdə
yox”.
M.Süleymanov “8 martda doğulduğunuza görə özünüzü xanımınıza
hədiyyə hesab edirsinizmi?” sualına həyat yoldaşının cavab verə
biləcəyini deməklə kifayətləndi. Kifayət Haqverdiyeva isə
prinsipial olaraq həyat yoldaşının ad gününü 7 martda qeyd
olunduğunu deyir: “ Çünki 8 Mart qadınların bayramıdır. Mən heç
vaxt nə Məmməddən, nə də başqa bir kəsdən hədiyyə
gözləməmişəm…”.
Xanımına hədiyyə - Kamran Kazımov
“Adətən ad günümü təntənəli qeyd edirəm. Çünki 8 mart həm
qadınların bayramıdır, həm də ki, öz ad günümdür. Özümü qadınlara
bir hədiyyə kimi bilirəm. Mütləq öz xanımıma, qohum əqrabalarıma,
işçilərimə, bütün tanıdığım qadınlara hədiyyə verməyə
çalışıram”.
Bu sozləri də 8 martda doğulan kişi deyir. Lənkəran Dövlət
Universitetinin “Humanitar və Pedaqoji Elmlər” kafedrasının dekanı
Kamran Kazımov…
Publika.Az olaraq Beynəlxalq Qadınlar Günündə məhz bu gün doğulan
kişilərin fikirlərini öyrənmək istədik: “ 51 yaşım tamam olur. Bu
günə kimi mənə verilən bütün hədiyyələr yaddaqalandır. Amma ötən il
50 illik yubileyimə iş yoldaşım portretimi çəkib hədiyyə etmişdi,
indi də evdə qalır. Bax, həmin portret bişirilmir, yeyilmir, evdə
qalır”.
K.Kamran deyir ki, ad gününə heç kəsi çağırmıram: “ Mənim yaxın
dostlarım həmin günü özləri yığışırlar. Və biz ad günümü qeyd
edirik. Amma mən təbii ki, hər il o işi görürəm. Mən ümumiyyətlə
xanımıma hədiyyə olmuşam”.
8 Martda doğulan kişilər
İnternetdə kiçik bir araşdırma apararaq 8 Martda doğulanların
siyahısı hazırladıq:
1911 - Xalq artisti Ağadadaş Qurbanov (1911-1965)
1920-ci ildə Yazıçı, kinossenarist Həsən Seyidbəyli
1919-cu ildə tanınmış xanəndə Məmmədəli Əliyev
1934 - Xalq artisti, tar ifaçışı Ceyran Haşımova
1955 - Şair, yazıçı İsgəndər Coşğun
1902-Q aradərili Amerika aktyoru Louise Beavers
1945-20 yüzilliyin sonlarında yeni sənət cərəyanının öndə gedən
adlarından biri olan Alman rəssam Anselm Kiefer
Tarix
8 martın beynəlxalq qadınlar günü kimi qeyd olunması tarixi
inqilabçı Klara Setkinin adı ilə bağlıdır Klara 5 iyul 1857-ci ildə
Almaniyada, Viderau — Saksoniya vilayətində anadan olub 1910-cu il
Kopenhagendə keçirilən beynəlxalq sosialist qadınlar konfransında
Klara Setkin, 8 martın beynəlxalq qadınlar günü kimi qeyd olunması
təklifi ilə çıxış etdi.
Məhz bu tarixin seçilməsi təsadüfi olmayıb. Belə ki, 1857-ci ilin
bu günü Nyu-Yorkda tikiş və ayaqqabı fabrikinin qadın işçiləri
nümayişə çıxdılar. Onlar 10 saatlıq iş günü, işıqlı və quru iş
yeri, kişilərlə eyni maaş tələb edirdilər. O zaman qadınlar sutkada
16 saat işləyir, bunun müqabilində qəpik-quruş alırdılar. Kişilər
qəti çıxışlardan sonra 10 saatlıq iş gününə nail oldular. ABŞ-ın
bir çox müəssisələrində «həmkarlar ittifaqı» təşkilatı yarandı.
1857-ci il 8 mart tarixindən sonra ilk dəfə olaraq qadın üzvlərdən
ibarət yeni «həmkarlar ittifaqı» təşkilatı yarandı. Həmin gün
Nyu-Yorkun bir çox şəhərlərində yüzlərlə qadın nümayişə çıxaraq
«seçki» hüququnu tələb edirdilər.
1911-ci il 19 mart tarixində bu bayram Avstriya, Danimarka,
Almaniya və İsveçrədə qeyd olundu. O zaman milyondan artıq kişi və
qadın nümayişlərdə iştirak etdilər. «Seçmə və rəhbər vəzifələri
tutma hüququ»ndan başqa qadınlar kişilərlə bərabər, eyni işləri
icraetmə hüququnu da tələb edirdilər.
Rusiyada ilk Beynəlxalq Qadınlar Günü 1913-cü ildə Peterburqda qeyd
olundu.
Növbəti il Avropada 8 mart ərəfəsində qadınlar müharibəyə qarşı
etiraz marşları ilə çıxış etdilər.
1917-ci ildə rusiyalı qadınlar "Çörək və Sülh" şüarı ilə küçələrə
çıxdılar. 4 gün sonra II Nikolay taxtdan düşdü. Müvəqqəti hökumət
qadınlara seçmə hüququnu zəmanət etdi. Bu hadisə 8 mart tarixinə
təsadüf etdi.
Azərbaycanda bu bayram 1917-ci ildən qeyd olunur.
Nailə Rövşənqızı
Publika.Az
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO