• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Bacısını və onun ailəsini bıçaqlayan qardaş tutuldu (YENİLƏNİB)

Bacısını və onun ailəsini bıçaqlayan qardaş tutuldu (YENİLƏNİB)

Sabunçu Rayon Polis İdarəsinin 15-ci polis bölməsindən Publika.az-a verilən məlumata görə, cinayəti törədən Yaşar Əzimov artıq polşis əməkdaşları tərəfindən saxlanılıb.

Onun ilkin ifadəsi alınıb. O, hadisəni bacısı və onun həyat yoldaşı ilə aralarında yaranmış mübahisə zəminində törətdiyini bildirib.

Vazeh

11:51

Paytaxtda dəhşətli cinayət hadisəsi qeydə alınıb.

Sabunçu Rayon Polis İdarəsinin 15-ci polis bölməsindən Publika.az-a verilən məlumata görə, ötən gün rayonun Zabrat qəsəbəsində Yaşar Əzimov bacısı İzzətxanım Novruzovanı, onun həyat yoldaşı Yaşar Novruzovu, eləcə də bacısının 15 və 13 yaşlı oğlanları Faiqi və Rəşadı bıçaqlayıb.

15-ci polis bölməsindən verilən məlumatda qeyd olunur ki, ağır bədən xəsarətləri alan şəxslər xəstəxanaya yerləşdiriliblər:

"Cinayətin hansı səbəbdən baş verdiyi hələ ki bəlli deyil. İlkin versiyaya görə, bacı-qardaş arasında mübahisə yaranıb və bu, sonda cinayətlə nəticələnib".

Faktla bağlı Sabunçu Rayon Prokurorluğunda cinayət işi başlanıb.

Yaralılar Sabunçu rayon 3 saylı kliniki xəstəxanasına yerləşdirilib. Xəstəxanadan Publika.az-a verilən məlumata görə, xəstələrin vəziyyəti orta-ağırdır.

Vazeh

Xəbər lenti

DAHA ÇOX XƏBƏR