• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Ali məktəbdən xaric olunan tələbələrin sayı açıqlandı

Ali məktəbdən xaric olunan tələbələrin sayı açıqlandı

2014-cü ildə Azərbaycan Dillər Universitetindən (ADU) 18 tələbə xaric olunub ki, onlardan 10-u öz ərizəsi ilə, 5-i dərslərdə iştirak etmədiyinə, 3-ü isə təhsillərini başqa təhsil müəssisələrində davam etdirdiklərinə görə (2 nəfər tələbə Naxçıvan Dövlət Universitetində, 1 nəfər tələbə İngiltərə universitetində) xaric olunub.

Bu barədə Report.az-ın sorğusuna cavab olaraq ADU-nun İctimaiyyətlə əlaqələr Departamentinin müdir əvəzi Şəfaqət Kazımova bildirib.

Onun sözlərinə görə, 2014-cü ildə universitetdən 28 müəllim işdən azad edilib. Onlardan 24-ü öz xahişi ilə, 4-ü isə müqavilə müddətlərinin bitməsi səbəbi ilə işdən azad edilib. 4 müəllim rəhmətə gedib, 26 müəllim barədə nizam-intizam qaydalarını pozduqlarına görə müvafiq tədbirlər görülüb.

Azərbaycan Tibb Universitetindən (ATU) "Report"un sorğusuna cavab olaraq da bildirilib ki, 2013-2014-cü tədris ilində 30 tələbə Universitetdən xaric olunub: "Bunun səbəbi tələbələrin təhsillərini xarici ölkələrin təhsil ocaqlarında davam etdirmək istəyidir. Hazırda isə ATU-da ümumilikdə 6796 tələbə təhsil alır. Yerli tələbələrin sayı 5399, xarici tələbələrin sayı isə 852-dir. Kursda qalan tələbəmiz olmayıb. Çünki ATU-da təhsil kredit sistemi ilə həyata keçirilir".

Xəbər lenti

DAHA ÇOX XƏBƏR