• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Məşhur ərəb milyarderi şəxsi təyyarəsi ilə Bakıya gəldi – FOTOLAR

Məşhur ərəb milyarderi şəxsi təyyarəsi ilə Bakıya gəldi – FOTOLAR

Dubay nəhəngi “Khazar İslands” layihəsinə maraq göstərir.

“Avesta Concern”in həyata keçirdiyi “Khazar İslands” layihəsinə nəhəng tikinti şirkətlərinin marağı günü-gündən artır.

Publika.az-ın məlumatına görə, Dubayın iki ən böyük tikinti şirkətindən biri hesab olunan “DAMAC Properties” şirkətinin direktoru Hüsseyn Sacvaninin başçılıq etdiyi nümayəndə heyətinin Bakıya səfər etməsi də “Khazar İslands” layihəsinə artan marağa bariz nümunədir.

Şəxsi təyyarəsi ilə Bakıya gələn “DAMAC Properties” şirkətinin prezidenti Hüsseyn Sacvani “Khazar İslands” layihəsinin həyata keçirildiyi ərazidə olub, “Avesta Concern” prezidenti Hacı İbrahim Nehrəmli ilə görüşüb.

“DAMAC Properties” şirkətinin prezidenti Hüsseyn Sacvaniyə rəhbərlik etdiyi şirkət, onun həyata keçirdiyi layihələr və “Khazar İslands” haqqında geniş məlumat verən “Avesta Concern”in prezidenti Hacı İbrahim Nehrəmli əməkdaşlığa hazır olduqlarını da qonağın diqqətinə çatdırıb.

“DAMAC Properties” şirkətinin prezidenti Hüsseyn Sacvani də öz növbəsində rəhbərlik etdiyi şirkət, onun yalnız Dubayda deyil, eyni zamanda Qətər, Səudiyyə Ərəbistanı, İraq, İordaniya, Livan və digər ölkələrdə həyata keçirdiyi layihələr haqqında məlumat verib.

Dubaylı iş adamı bildirib ki, bu günə kimi əsasən Yaxın Şərq ölkələrinə üstünlük versələr də, indi dünyanın başqa regionlarında da fəaliyyət göstərmək istəyirlər. Bu mənada “Khazar İslands” layihəsinin bir başlanğıc ola biləcəyinə, bu layihənin onların Azərbaycan və ümumiyyətlə Cənubi Qafqazda fəaliyyətə başlamalarına təkan verə biləcəyini qeyd edib.

“Avesta Concern”in prezidenti Hacı İbrahim Nehrəmli “Khazar İslands” layihəsinə dünyanın nəhəng tikinti şirkətlərinin maraq göstərdiyini, bir neçə şirkətlə əməkdaşlığın təməlinin qoyulduğunu bildirib və “DAMAC Properties” şirkəti ilə də əməkdaşlığa hazır olduqlarını bəyan edib.

Danışıqların sonunda əməkdaşlığın sürətləndirilməsi üçün qərar qəbul edilib.

Bildirilib ki, “DAMAC Properties” şirkətinin Azərbaycanda fəaliyyət göstərməsi Azərbaycan iqtisadiyyatına sərmayə qoyuluşuna marağı daha da artıra bilər.

Xatırladaq ki, “DAMAC Properties” şirkəti hazırda Səudiyyə Ərəbistanın ikinci ən böyük şəhəri və maliyyə paytaxtı hesab olunan Ciddədə “Versace Home”, Dubayda “DAMAC Maison Tower” və “DAMAC Towers by Paramount”, eləcə də “Akoya DAMAC” kimi nəhəng layihələr həyata keçirir.

Onu da deyək ki, hazırda Hüsseyn Sacvaninin adı dünyanın ən varlı şəxsləri siyahısında yer alır. Onun 3 milyard dollar pulunun olduğu deyilir.

Vasif Həsənli

Xəbər lenti

DAHA ÇOX XƏBƏR