Qırmızı.az
Adıgözəl Məmmədov: “Xristian - müsəlman qarşıdurması yaradılır” – MÜSAHİBƏ
Avrasiya İnstitutunun ekspertlər şurasının üzvü, politoloq Adıgözəl Məmmədov Publika.az-a müsahibəsində son geosiyasi prosesləri şərh edib.
- Fransada baş verənlər Fransua Olandın Rusiyaya qarşı
tətbiq edilən sanksiyaların dayandırması ilə bağlı bəyanatı ilə
bağlı ola bilərmi?
- Bu hadisə ilə Fransa prezidentinin bəyanatı arasında heç bir
bağlılıq görmürəm. Bir məsələdə sizinlə razılaşıram ki, bu terror
aktı müəyyən mərkəzlər tərəfindən pərvazlanır və məqsədyönlü
şəkildə xristian - müsəlman qarşıdurmasına hesablanıb. Onda biz
özümüzə sual verməliyik ki, bu qarşıdurma daha çox kimlərin xeyrinə
ola bilər. Geosiyasi güc mərkəzləri anlayır ki, Rusiya tam gücünü
Avropadan və xüsusən də Almaniyadan alır. Yəni, Rusiyaya qarşı nə
qədər sanksiya tətbiq olunsa da, Avropanın Rusiyadan enerji
asılılığı davam edir. Ona görə də, bu tipli təxribatlar yeni
iğtişaşlara hesablana bilər ki, Avropa iqtisadiyyatı tamamilə
çöksün və intellektual potensiallar digər geosiyasi materiklərə
cəmlənsin. Beləliklə də bir güllə ilə iki dovşanı vurulsun.
Təsadüfi deyil ki, məhz bu günlər Rusiyadan ekstradisiya olunmuş
Mixail Xodorkovski canfəşanlıqla təxribat xarakterli bəyanatlar
verir. İndi sual oluna bilər: bu sistemli təxribatlar niyə həyata
keçirilir?!
- Türkiyədə jurnalistlərin kütləvi həbsi və bəzi mətbu
orqanlarının qapadılması, ardından Fransada jurnalistlərin
güllələnməsi, İspaniya nəşrlərinin redaksiyasına ünvanlanan naməlum
hədələri dünya mediasına təhdid kimi qiymətləndirmək nə qədər
doğrudur?
- Türkiyədə baş verən hadisələr Avropanın digər bölgələrindəki
proseslərdən bu və ya digər formada fərqlənir. Nəzərə almaq
lazımdır ki, bu gün Türkiyədə çox ciddi şəkildə dövlətin içinə
soxulan, Mərkəzi Kəşfiyyat İdarəsinin Pensilvaniya “aləti” vasitəsi
ilə idarə olunan bir qrup insanla mübarizə aparılır. Bu qrupun
içində Pensilvaniya ilə əlaqəli jurnalistlərin olduğu da iddia
olunur. Təhqiqatçılar bunun doğru olub-olmadığına yaxın günlərdə
cavab verəcəklər. Əgər insan xarici kəşfiyyat orqanlarına
işləyirsə, onun jurnalist olması nə önəm daşıya bilər?
- Siz hər zaman slavyan-türk birliyini dəstəkləyənlərdən
olmusunuz. Bunu hələ bir neçə il öncə deyirdiniz və hazırda biz
Türkiyə və Rusiya yaxınlaşmasını müşahidə edirik. Sizcə bu
yaxınlaşma slavyan və türk dünyasına öz töhfəsini verə
biləcəkmi?
- Doğru qeyd edirsiniz ki, mən həmişə slavyan-türk birliyinin
tərəfdarı olmuşam. Hətta bu birliyin ideoloji konsepsiyasını da
yazmışam və bu kitabımı Moskva Dövlət Universitetində təqdim
etmişəm. İlk əvvəllər bu istiqamətdə çıxışlar etdikdə ruslar mənim
fikirlərimə çox ehtiyatla yanaşırdılar. Çünki əsrlər boyu Lazarev
(Lazaryan) tarixşünaslıq məktəbi rus-türk düşmənçiliyini təbliğ
etmişdi. Belə bir fobiyalar içində fikirlərimə təftişli
yanaşırdılar. Rusiyada etnik separatçılar bu nəzəriyyəmi topa
tutdular. Sonra “Osmanlının çöküşünə Rusiyadan baxış” kitabımı
yazdım və bu kitabda sübut etdim ki, bu dövlətlər heç də həmişə
bir-birləri ilə savaşmayıblar, tarixin müəyyən məqamlarında hətta
Avropa güclərinə qarşı bərabər mübarizə aparıblar. Bu, müəyyən
yumşalmaya səbəb oldu. Sonrakı mərhələdə isə Rusiya prezidenti
yanında Strateji Araşdırmalar İnstitutunun əməkdaşlarının iştirakı
ilə Ərdoğan hökuməti haqda əsərim işıq üzü gördü. Bu kitab Kremlin
xarici siyasətini formalaşdıran bir çox ciddi ekspertlərinin yüksək
rəyini aldı. Beləcə, bizim də bu yaxınlaşmada payımız oldu.
- Bu gün Rusiya, İran və Türkiyənin xarici siyasi kursunu
müşahidə etdikdə onların regionda yeni güc olmaq niyyətlərini
açıq-aydın görmək mümkündür.
- Azərbaycan elə bir coğrafiyada yerləşib ki, istər-istəməz
regionda həm Rusiya, həm Türkiyə, həm də İran reallığın qəbul edir.
Həyata keçirilən siyasətdə də bu reallıq nəzərə alınaraq yürüdülür.
Amma bu da bir həqiqətdir ki, istənilən reallıq və güclər
Azərbaycan reallığı ilə də hesablaşır. Bu əslində dövlətimizin
həyata keçirtdiyi siyasətin uğurudur. Buna görə də biz mərhum
prezidentimiz Heydər Əliyevə və onun davamçısı İlham Əliyevə
təşəkkür etməliyik.
- Bu güclərin Azərbaycana təsirini necə
görürsünüz?
- Onsuz da soyuq savaş yenidən başlayıb. Əsas məqsəd isə Sibirin
yeraltı və yerüstü sərvətlərinin ələ keçirilməsidir. Bu mövzuda
mənim yazıma ABŞ-ın ən mühüm ekspertlərindən olan Pol Qobl da
münasibətini bildirib. Yəni, dünya dəyişir və yeni geosiyasi
mərkəzlər formalaşır. Bizim əsas məqsədimiz odur ki, bu mərhələdən
xətərsiz adlayaq. Azərbaycanımızın müstəqilliyini bizdən sonrakı
nəsillərə ötürək.
Asif Nərimanlı
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!