Qırmızı.az
Yaşayış binalarındakı pritonlar – Qonşun fahişədirsə... ARAŞDIRMA
Məclislərdən birində “Azərbaycanda seksual azadlıq
yoxdur”, “elə buna görə hamı aqressivdir”, “seksual tələbatlar
ödənilmədiyi üçün insanlar gərgindilər” söhbətlərinin üstündən
dostlardan biri bunun əksinə çıxış edir.
Deyir ki, hamı öz tələbatını bu və ya digər yollarla ödəyir.
Sadəcə, hamı üzdə özünü belə aparır ki, guya, heç nədən xəbəri
yoxdur. “Belə olmasaydı, şəhərdəki “saatlıq” evlər nəyə lazım idi?”
– deyir dostumuz. Və o, evlərdəki əhvalatlarından danışır:
“Hətta elə evlər var ki, yiyəsi heç evdən çölə də
çıxmır, oturur mətbəxdə. Deyir işinizi görün, çıxın
gedin”.
Məsələ diqqətimi çəkdi və araşdırmağa qərar verdim…
- Biz evləri hər adama kirayəyə vermirik, ancaq ailəli
adamlar qala bilərlər.
- Xanım, ailəli adamın 2 günlük ev nəyinə lazımdır?
- Eee, sağ olun…
Şəhərin tam mərkəzində bir neçə saatlıq kirayə verilən
evlər… Bu evlər nə məqsədlə kirayə götürülür? Kimlərə
verilir?
Zəng etdiyimiz ev sahibləri (Yəqin ki, xanım olduğumuza görə)
evlərini saatlıq kirayə vermədiklərini iddia edirlər. Amma bilirik
ki, bu evlərin “saatlıq” xidmətlərindən istifadə edənlər az deyil.
Zəng vurduğumuz ev sahiblərindən biri evini ancaq evli adamlara
kirayə verdiklərini deyir. “Ailəli adamın 2 günlük ev
nəyinə lazımdır axı” sualına cavab verə bilməyən sahibə
dəstəyi asır.
Digər ev sahibi evini ancaq əcnəbilərə kirayə verdiyini bildirir,
özü də minimum 10 günlük. 10 günə isə 400 AZN ödəməliyik...
Başqa ev yiyəsi isə “yad” müştəri olduğumuzu görüb əvvəlcə evi
neçə günlük kirayə istədiyimi soruşdu. Suala diqqət çəkirəm: neçə
ay, neçə müddət deyil də, neçə gün… Növbəti sual: hansı məqsədlə
kirayə götürürsünüz? Oğlan dostumla qalacağımı dediyim üçün bir az
tərəddüd edir ev yiyəsi.
Bir neçə dəqiqəlik danışıqdan sonra razılaşdıra bilirik. Evə baxmaq
istəyib-istəmədiyimizi soruşurlar və nəhayət, qiymət məsələsi… 2
günlük evə 50 manat istədikləri halda, 2 saata 40 manat ödəməliyik.
Qiymətin baha olduğu ilə bağlı iradımıza “istəmirsiniz
otelə gedin, hər halda, otel qiymətlərindən daha ucuzdur bu
ev” cavabını alıram.
Təxminən 20:00 radələrində evə baxmağa gedirəm. Şəhərin lap
mərkəzində - Nizami kaçəsində (“Tarqovıy”) yerləşən, 2 otaq, hamam
və mətbəxdən ibarət orta təmirli ev… Ev yiyəsi ilə “McDonalds”ın
qarşısında görüşüb, gedirik. Fürsətdən istifadə edib Lalə xanımla
(ad şərtidir) söhbət etməyə başlayıram. Söhbətə çox da meyilli
olmayan xanımdan öyrəndim ki, evi həqiqətən də bir neçə saatlıq
kirayə götürənlər olur. Günorta saatlarında gələnlər təxminən 21-25
yaş arası cütlüklər olur, axşam gələnlər isə əsasən köhnə
müştərilərdir. Sən demə, evi hər adama “saatlıq” kirayə
vermirlərmiş. Evə çatdığımız üçün söhbəti kəsməli oluruq. Qadın,
deyəsən, suallarımın çoxluğundan şübhələndiyi üçün yanımdan
ayrılmır. Ödənişin də əvvəldən olunduğunu öyrənirəm. Həddindən
artıq pis qoxuyan evi bəyənmədiyimi deyib, çıxmaq istəyəndə
“bir-iki saat qalacaq, evi bəyənmir, naz edir”
sözlərini eşidirəm.
Maraqlıdır ki, əksəriyyəti şəhərin mərkəzi küçələrində yerləşən
bu evlərdən hamının xəbəri olduğu halda, hər kəs xəbəri yoxmuş kimi
davranır. Hər gün bir “əxlaqsızlıq yuvası” bağlandığı halda şəhərin
düz mərkəzində olan bu evlərlə bağlı heç bir tədbir görülmür. Evlər
açıq-aşkar “əxlaqsızlıq yuvası” kimi fəaliyyət göstərir. Amma hələ
bu vaxta kimi o “yuva”lardan birinin bağlandığı haqda bir cümlə də
eşitməmişik… Sadəcə bir şey düşündürür: bu qədər insan “saatlıq”
evlərdən xəbərdar olduğu halda, aidiyyəti qurumlar bundan
həqiqətənmi xəbərsizdir?!
Əslində, belə məkanların tamamilə yığışdırılması düşüncəsində
deyilik. Sadəcə bu, leqal olmalıdır. Əks halda, saatlıq
mənzillərdə xəstəliklərin yayılmasına, təhlükəsizlik tədbirlərinin
olmamasına, baş verə biləcək hər-hansı cinayət hadisəsinə görə
kimin məsuliyyət daşıdığı məlum deyil.
Çünki bu evlərin heç biri öz sahibləri tərəfindən kirayə verilmir.
Bu işləri yaxşı bacaran dəllallar heç bir müqavilə bağlamadan həmin
evləri kirayə götürüb, istifadəyə verirlər. Bu işdən daha çox
qazanmaq istəyən isə ev üçün zəng edən müştərilərə xanımlar da
təklif edirlər. Bəzi evlərdə bir neçə fahişə saxlanılır və
müştərilərin hər cür istirahəti üçün şərait yaradılır. Bəzi
məlumatlara görə, həmin şəxslər yalnız polis sahə müvəkkillərinə
haqq ödəməklə işləyirlər. Məsələnin ən pis və acınacaqlı tərəfi
odur ki, bu mənzillər ümumi yaşayış binalarındadır. Yəni
əxlaqsızlıq yuvası kimi istifadə olunan mənzillər kimlərinsə
qonşuluğundadır. Həmin qonşularda dindar da yaşaya bilər, manyak
da, gənc ailə də. Bu qalır, şəhərin mərkəzində yaşayan, çoxlarının
həsəd apardığı adamların bəxtinə. Yüz minlərlə pul xərcləyib mənzil
alarsan, qonşuluğuna isə günün istənilən vaxtı kef çəkməyə
gələrlər...
Aznews.az
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO