• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Milli Onkologiya Mərkəzinə yeni status verilib

Milli Onkologiya Mərkəzinə yeni status verilib

Milli Onkologiya Mərkəzinə rəsmi olaraq beynəlxalq tədris və sınaq mərkəzi statusu verilib. Səhiyyə Nazirliyinin mətbuat xidmətindən Publika.az-a verilən məlumata görə, bu status Milli Onkologiya Mərkəzi ilə Belçikanın “Orfit Industries” şirkəti arasında imzalanmış əməkdaşlıq sazişinə əsasən verilib.

“Orfit Industries” şirkəti dünyada şüa müalicəsinin istifadəsində fiksəedici avadanlıqları layihələşdirən və istehsal edir.

İmzalanma mərasimində çıxış edən şirkətinin prezidenti Steven Cuypers qeyd edib ki, beynəlxalq tədris və sınaq mərkəzi statusu ancaq ən müasir texnologiyalara, yüksək ixtisaslı kadrlara, xəstələrin müayinə və müalicəsində böyük təcrübəyə malik olan, beynəlxalq müalicə standartlarını həyata keçirən klinikalara verilir.

Milli Onkologiya Mərkəzinin direktoru, akademik Cəmil Əliyev rəhbərlik etdiyi klinikada qısa müddətdə onkoloji xəstələrə göstərilən tibbi xidmətin Qərb standartlarına cavab verən keyfiyyət göstəricilərinə qədər yüksəldildiyini deyib.

İmzalanan saziş bir daha Milli Onkologiya Mərkəzində onkoloji xəstələrə yardımın yüksək səviyyəsinin dünyanın lider klinikaları tərəfindən qəbul olunmasını təsdiq edir.

Xəbər lenti

DAHA ÇOX XƏBƏR