Qırmızı.az

Əhməd Əhmədzadənin səlahiyyəti azaldıldı

29 Yanvar 2015 15:54

Nazirlər Kabineti “Meşə fondunun vəziyyətinə, istifadəsinə, mühafizəsinə, qorunmasına və meşələrin bərpasına dövlət nəzarətinin həyata keçirilməsi Qaydası”nda dəyişikliklər edib.

Publika.az xəbər verir ki, Azərbaycan Respublikası Meşə Məcəlləsinin tətbiq edilməsi barədə” Azərbaycan Respublikası Prezidentinin 1998-ci il 30 mart tarixli 693 nömrəli Fərmanına uyğun olaraq meşə fondunun vəziyyətinə, istifadəsinə, mühafizəsinə, qorunmasına və meşələrin bərpasına dövlət nəzarətini "Meliorasiya və Su Təsərrüfatı" ASC və Ekologiya və Təbii Sərvətlər Nazirliyi həyata keçirib.

Dəyişikliyə əsasən "Meliorasiya və Su Təsərrüfatı" ASC-nin bu sahədə səlahiyyəti ləğv edilib. Dəyişiklikdən sonra meşə fondunun vəziyyətinə, istifadəsinə, mühafizəsinə, qorunmasına və meşələrin bərpasına dövlət nəzarətini yalnız Ekologiya və Təbii Sərvətlər Nazirliyi həyata keçirəcək.

Məlumat üçün bildirək ki, "Meliorasiya və Su Təsərrüfatı" ASC-nin sədri Əhməd Əhmədzadədir.

Gülnar Əliyeva