Biləsuvarda xəstəxana, Göyçayda 48 mənzilli bina yandı

Biləsuvar rayonu, Xırmandallı kəndində Səhiyyə Nazirliyinə məxsus kənd xəstəxanasında yanğın baş verib.

Publika.az-ın Fövqəladə Hallar Nazirliyinin saytına istinadən verdiyi xəbərə görə, ümumi sahəsi 360 kv.m olan birmərtəbəli korpusun sahəsi 9 kv.m olan otaqda 1 ədəd elektrik qızdırıcı və masa 1 kv.m sahədə yanıb. İnzibati binanın qalan hissəsi yanğından mühafizə olunub. Yanğın saat 02:44-də yanğınsöndürənlər tərəfindən söndürülüb.

Göyçayda isə ümumi sahəsi 1890 kv.m olan 2 mərtəbəli, 48 mənzildən ibarət yaşayış binasında yanğın baş verib. Binanın dam örtüyünün yanar konstruksiyaları 60 kv.m və 2-ci mərtəbədə yaşayan digər vətəndaşa məxsus 40 kv.m olan mənzilin 1 otağının yanar konstruksiyaları 12 kv.m sahədə yanıb. Yanğın zamanı ev sahibəsi qismən yanıq xəsarətləri alaraq yanğınsöndürənlər tərəfindən təcili tibbi yardım xidmətinə təhvil verilib. Yanğından 30 nəfər bina sakini yanğınsöndürənlər tərəfindən təxliyyə edilib. Yaşayış binasının qalan hissəsi və mənzillər yanğından mühafizə olunub.