Qırmızı.az
Nazirlik uşaqlar üçün “Ağ siyahı” hazırlayır
Rabitə və Yüksək Texnologiyalar Nazirliyi uşaqların internet təhlükəsizliyi üzrə “Ağ siyahı” hazırlayacaq. Publika.az-ın məlumatına görə, məqsəd uşaqların internet təhlükəsiz istifadəsini təmin etməkdir.
Bu il Rabitə və Yüksək Texnologiyalar Nazirliyi (RYTN) tərəfindən uşaqların internet təhlükəsizliyi üzrə “Ağ siyahı”nın (“white list”) hazırlanması nəzərdə tutulur. “Ağ siyahı”ya uşaqların maraq dairəsini əhatə edən, faydalı məzmuna malik veb saytlar daxil ediləcək.
Eyni zamanda, uşaqlar üçün zərərli hesab olunacaq məzmunda veb saytların əngəllənməsi üçün qanunvericilikdə dəyişikliklər ediləcək.
Nazirlik həmçinin bu il informasiya təhlükəsizliyi üzrə laboratoriyalar yaradacaq. Bu laboratoriyaların yaradılması kibertəhlükələrin analizi, yeni yaranan kiberhücum metodlarının reallaşdırılması və onlara qarşı müdafiə üsullarının tədqiqi, şəbəkə avadanlıqlarının, həmçinin proqram təminatlarının təhlükəsizlik testi məqsədi daşıyır.
Eyni zamanda, ölkənin ümumi kibertəhlükəsizlik səviyyəsini yüksəltmək üçün sahə üzrə mütəxəssislərin potensialı artırılacaq. RYTN həmçinin bu il ərzində kibertəhlükəsizlik üzrə yerli və beynəlxalq qanunvericilik bazasının araşdırılması, beynəlxalq təcrübə əsasında yerli normativ hüquqi aktların təkmilləşdirilməsini planlaşdırır.
Bütün bunlarla yanaşı, kibertəhlükəsizlik üzrə beynəlxalq
standartlar araşdırılacaq və milli standartlar onlara
uyğunlaşdırılacaq.
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ