• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Pəyədə əxlaqsızlıq – ŞOK TƏFƏRRÜAT

Pəyədə əxlaqsızlıq – ŞOK TƏFƏRRÜAT

Ağdaş rayonunun Maşad qəsəbəsində 12 yaşlı Samirə (cinayət işində adı hallanan zərərçəkmişin və onun yaxın qohumlarının adları şərti verilib) qonşusu, 1957-ci il təvəllüdlü Azər Məmmədov tərəfindən zorlanıb.

Belə ki, qızının hamilə olmasından şübhələnən ana onu həkimə aparıb. Həkim 12 yaşlı qızın 4 aylıq hamilə olduğunu bildirib. Anası və xalası qızı onu gizlincə Mingəçevirə aborta aparıblar. Lakin həkimlər qızı abort etməyib. Bundan sonra qızı Yevlax rayonuna aparıblar. Orada həkimlər uşağı əməliyyatla götürüblər.

12 yaşlı qız hamilə qalıb

Valideynləri 12 yaşlı qızının qonşuları Azər Məmmədov tərəfindən zorlandığı barədə şikayət ediblər. Qız tibbi müayinədən keçirilib. Ağdaş rayon polis şöbəsinin əməkdaşları tərəfindən Azər Məmmədov həbs edilib.

Teleqraf.com-un araşdırmasına görə, Samirənin yaşadığı evin yaxınlığında Azər Məmmədovun ərzaq dükanı olub. Samirə dükana ərzaq almağa gedən zaman Azər ona şirə verib. Demə şirənin içinə yuxugətirici dərman da atıb. Qız şirəni içəndən sonra huşunu itirib. Ayılanda isə artıq bakirə olmadığını görüb. Azər Məmmədov 12 yaşlı qızın ayaqlarını və əllərini də bağlayıbmış. Qızın sözlərinə görə, bu barədə anasına danışmağa qorxub. Lakin hamilə qaldıqda artıq olanları deməyə məcbur olub.

Üç maddəli cinayət işi

Azər Məmmədov Cinayət Məcəlləsinin 149.3.2-ci (zorlama, yəni, ehtiyatsızlıqdan zərərçəkmiş şəxsin insan immunçatışmazlığı virusu ilə yoluxmasına və ya digər ağır nəticələrə səbəb olma), 149.3.3-cü (təqsirkar şəxs üçün aşkar surətdə on dörd yaşına çatmayan şəxsi zorlama) və 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri etmək) maddələri ilə ittiham edilib. Onun barəsində olan cinayət işi baxılması üçün Şəki Ağır Cinayətlər Məhkəməsinə göndərilib.

“Samirəyə qarşı əxlaqsız hərəkətlər etməmişəm”

Azər Məmmədov elan olunmuş ittiham üzrə özünü təqsirli bilməyib. O bildirib ki, üç ildir yаşаdığı evin həyətində olаn özünəməxsus ərzаq mаğаzаsını işlədir: “Mаğаzаnı işlətdiyim vаxtlar qonşuluqdа yаşаyаn İsrafilin qızı Samirə bir neçə dəfə mağazaya gələrək alver edib. Samirə heç vaxt mağazaya tək gəlməyib. Mağazaya gələn zaman heç vaxt Samirəyə qarşı əxlaqsız hərəkətlər etməmişəm. Həmçinin Samirə ilə cinsi əlaqədə olmamışam”.

“Özümdə cinsi zəiflik hiss etmişəm”

Təqsirləndirilən şəxs daha sonra qeyd edib ki, qonşusunun qızı Samirəni zorlamaq məqsədilə pəyəyə aparmayıb: “Samirənin əllərini kəndir, аğzını isə dəsmаllа bаğlаmаmışam, onunla cinsi əlaqədə olmamışam. Bu bаrədə Samirənin dedikləri böhtandır”.

Azər Məmmədov daha sonra bildirib ki, Samirə ilə qeyri-təbii yollа cinsi əlаqədə olmаyıb. Onun sözlərinə görə, xeyli müddətdir özündə cinsi zəiflik hiss edib, hətta arvadı ilə də intim münasibətdə yaşaya bilməyib. O, ifadəsinin sonunda ibtidai istintaq zamanı təzyiqlər qarşında qalaraq cinsi orqanını Samirəyə sürtməsini etiraf edib.

“Nə demək istədiyini başa düşmədim”

Cinayət işi üzrə zərərçəkmiş Samirə bildirib ki, Azər təxminən 2 ildir küçələrinin başında mağaza işlədir: “Mən də Azərin razılığı ilə mağazaya gedərək mağazanın təmizliyinə, həmçinin yeni gəlmiş ərzaqların düzülməsində Azərə kömək etmişəm. Əvəzində isə Azər mənə müxtəlif ərzaq malları verib. Hər gün 2-3 dəfə Azərin mağazasına getmişəm, təxminən 30 dəqiqə Azərə kömək etmişəm. 2013-cü ilin əvvəllərində Azər mənə “mənimlə yаtmаq istəyərsən?” deyə soruşdu. Azərin nə demək istədiyini başa düşmədim. Bu səbəbdən də ona cavab vermədim”.

“Azər məni pəyəyə apardı”

Zərərçəkmiş daha sonra ifadəsində qeyd edib: “Bu zaman Azər mənə pəyəyə gedərək birgə necə yatmaq lazım olduğunu göstərəcəyini dedi. Bundan sonra Azər məni pəyəyə apardı. Orada Azər pаltаrımı аşаğı çəkdi və özü də soyunaraq arxadan qucаqlаdı (zərərçəkmiş ifadəsinin bu hissəsində Azər Məmmədovun ona qarşı etdiyi əxlaqsızlıq hərəkətlərini çılpaqlığı ilə danışıb. Bu səbəbdən də onun ifadəsinin həmin hissəsini dərc etmirik).

“Azər qəfildən məni tutub ağzımı dəsmalla bağladı”

Zərərçəkmişin sözlərinə görə, Azər Məmmədovun əlindən çıxaraq qaçmağa cəhd göstərib: “Amma Azər məni buraxmadı. Bir qədər sonra Azər məni buraxdı və bu barədə heç kimə danışmamağı tapşırdı. Mən də pаltаrımı düzəldib evimizə getdim. Həmin hadisədən sonra mağazadа təmizlik işləri gördüyüm zаmаn Azər mənə yaxınlaşaraq əli ilə sinə və qoluma toxunub. Azərin məni qızı bilərək əzizlədiyini fikirləşmişəm. Həmin hadisədən iki gün sonra yenə mağazada təmizlik işləri apararkən Azər mənə heyvan saxladıqları pəyəyə gedib, orada olan qab-qacağı seçib götürməyi tapşırdı. Azərlə birlikdə qab-qacaq seçmək üçün mağazanın arxasndakı pəyəyə tərəf getdik. Həmin vaxt Azər şüşə stəkanda olаn suyu mənə verdi ki içim. Mən də Azərin verdiyi suyu içdim. Azər qəfildən məni tutaraq ağzımı dəsmalla bağladı. Bundan sonra başım hərləndiyi üçün nə baş verdiyini bilməmişəm”.

“Qorxduğum üçün valideyinlərimə heç nə deməmişəm”

Zərərçəkmiş qeyd edib ki, Azər Məmmədov onunla cinsi əlaqədə olan zaman əl-ayağını bağlayıb, ağzını dəsmalla tutub ki, səs-küy salmasın: “Özümə gələndə qana bulaşdığımı gördüm. Azərə evimizə getməli olduğumu dedim. O, bu barədə heç kimə deməməyimi, əks halda, məni öldürəcəyini bildirdi. Mən evimizə getdim. Qorxduğum üçün bu barədə valideyinlərimə heç nə deməmişəm. Həmin hadisədən sonra da Azər pəyədə bir-neçə dəfə mənimlə cinsi əlaqədə olub”.

Samirənin sözlərinə görə, 2013-cü ilin təxminən fevral ayının sonrarında Azərin mağazasına gedib: “Həmin vaxt Azərə mənim üçün telefon almasını söylədim. Telefonun pulunu işlədiyim pullа ödəyəcəyimi dedim. Təxminən 2-3 gündən sonra Azər "Samsung" markalı telefonu məni verdi. Anam telefonu aldı və qardaşım vasitəsilə geri qaytardı. İyul ayında tez-tez ürəyim bulandığından anam hamilə olmağımdan şübhələndi və hamiləlik testi aldı. Bundan sonra hamilə qaldığımı bildik. Anam məndən nə baş verdiyini soruşdu. Bu zaman Azərlə aramızda baş verənləri söylədim”.

Məhkəmənin hökmü ilə Azər Məmmədov 12 il müddətinə azadlıqdan məhrum edilib. Hökmdən narazı qalan Azər Məmmədov apelyasiya şikayəti verib. O, şikayətində günahsız olduğunu və barəsində bəraət hökmünün çıxarılmasını istəyib.

Azər Məmmədovun şikayəti baxılması üçün Şəki Apelyasiya Məhkəməsinə göndərilib. Hakim Elçin Hüseynovun sədrliyi ilə keçirilən prosesdə qərar elan edilib. Qərara görə, Azər Məmmədovun apelyasiya şikayəti qismən təmin edilib. Onun cəzası 8 il 6 aya endirilib.

Xəbər lenti

DAHA ÇOX XƏBƏR