• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Nazir ayaqlarını itirən əsgərə sahib çıxdı

Nazir ayaqlarını itirən əsgərə sahib çıxdı

Ötən ilin yayında ermənilərin Ağdam istiqamətindəki hücumunun qarşısını alarkən ağır yaralanaraq hər iki ayağını itirən Azərbaycan əsgəri Sərxan Tahirzadənin qarşılaşdığı problemlərlə, ona olan biganəliklə bağlı yayılan xəbərlərə Müdafiə Nazirliyi reaksiya verib.

Publika.az-ın məlumatına görə, Sərxan Tahirzadə AzNews.az-a açıqlamasında bildirib ki, məsələ ictimailəşəndən sonra müdafiə naziri, general-polkovnik Zakir Həsənovun tapşırığına əsasən onu və anasını nazirliyə dəvət ediblər.

Nazirliyin rəhbər şəxsləri tərəfindən qəbul edilən qazinin qarşılaşdığı problemlə bağlı söhbət aparılıb. Onun mövcud durumu, qayğıları və problemlərinin məğzi ilə maraqlanılıb.

Görüşdə S. Tahirzadənin ehtiyacları barəsində söhbət aparılması ilə yanaşı, yaranan hər hansı problem zamanı Müdafiə Nazirliyində müvafiq qurumla əlaqə saxlaması üçün ona telefon nömrələri də verilib.

S. Tahirzadəyə deyilib ki, Müdafiə Nazirliyi hər zaman onun qayğılarına dəstək olmağa hazırdır. Daha sonra qazini narahat edən problemlərin həllinə kömək göstərilməsi üçün müvafiq tapşırıqlar da verilib.

Qeyd edək ki, Sərxan Tahirzadə 77 manat pensiya, 150 manat da prezident təqaüdü ilə dolana bilmədiyini, sığorta pulunu isə Dövlət Sığorta Şirkətindən ala bilmədiyini dilə gətirmişdi. Onun anası Mahisə Tahirova isə Əmək və Əhalinin Sosial Müdafiəsi Nazirliyində qəbul şöbəsinin müdiri Bayram adlı şəxs tərəfindən təhqir olunduqlarını bildirmişdi. M. Tahirova əlavə etmişdi ki, Lənkəran Rayon İcra Hakimiyyətinin başçısı ilə görüşə bilmir, müavini isə onlara qarşı hörmətsizlik edir.

Xəbər lenti

DAHA ÇOX XƏBƏR