• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Göyçayda dəhşətli qətl: Qıza görə qonşusunu öldürdü - FOTO

Göyçayda dəhşətli qətl: Qıza görə qonşusunu öldürdü - FOTO

Göyçay rayonunda gənclər arasında dava qətllə yekunlaşıb.

Teleqraf.com-un əməkdaşının verdiyi xəbərə görə, hadisəsi rayonun Çaxırlı kəndində qeydə alınıb. Kənd sakini 1989-cu il təvəllüdlü Məmmədov Elşən Sədiyar oğlu qonşusu 1987-ci il təvəllüdlü Əliyev Rahib Yaşar oğlunu şəxsi münasibətlər zəmnində aralarında baş verən dava zamanı bıçaqlayıb. Ürək, boğaz və qarın nahiyyəsindən 9 bıçaq xəsarəti alan Rahib Əliyev hadisə yerində dünyasını dəyişib.

Məlumata görə, Elşən Məmmədov sevdiyi qıza görə Rahib Əliyevi öldürüb. Belə ki, gənclərin hər ikisi subay olub və onlar bir qızı istəyiblərmiş. Mərhum Rahib Əliyevin ailə üzvləri bildiriblər ki, Elşən Məmmədovun valideynləri 3 ay əvvəl kənd sakini olan qızın evinə elçi gediblər, lakin qızın valideynləri övladlarının Elşənlə ailə qurmasına razı olmayıblar. Qızın atası Elşən Məmmədova xəbərdarlıq edib və qızına yaxın durmamağı tapşırıb. Bu günlərdə isə mərhum Rahib Əliyevin valideynləri həmin qıza elçi gediblər və onlar qızın, eləcə də valideynlərinin razılığını alıblar. Qızın barmağına üzük taxılıb və Novruz bayramında nişan mərasimi olacaqmış. Elşən buna görə Rahibin evinə gələrək onu söhbətə çağırıb. O, deyib ki, qızla görüşək və onun kimi istədiyini soruşaq. Bu məqsədlə Rahibi aldadaraq küçəyə çıxaran Elşən Rahibin öz maşınında qızın yaşadığı ünvana gedərkən yolda onu bıçaqlayb. Rahibə 9 bıçaq xəsarəti yetirən Elşən sonra yerə düşərək onun avtomobilinin şinlərini də bıçaqla kəsib-doğrayıb, onu xəstəxanaya aparmaq mümkün olmasın. Əvvəlcədən Rahibin evinə bıçaqla hazırlıqlı gələn və qəsdən onu amansızlıqla qətlə yetirən Elşən Məmmədov həbs edilib.

Faktla bağlı Göyçay rayon Prokurorluğu tərəfindən cinayət işi açılıb, araşdırma aparılır.

Xəbər lenti

DAHA ÇOX XƏBƏR