Bakıda ərlə arvad bir-birini al qana qəltan etdi - TƏFƏRRÜAT
Bizi izləyin

Qırmızı.az

Bakıda ərlə arvad bir-birini al qana qəltan etdi - TƏFƏRRÜAT

Bu gecə Bakının Suraxanı rayonunda ərlə arvad küçənin ortasında dalaşıb. Hüquq mühafizə orqanlarından ANS PRESS-ə verilən məlumata görə, hadisə Zığ qəsəbəsində qeydə alınıb.

Belə ki, 24 yaşlı Z.Q. həyat yoldaşı 21 yaşlı F.D.-dən ayrılıb. Rəsmi boşanma olmasa da, cütlük arasında mübahisə yarandığından onlar bir müddət əvvəl ayrı yaşamağa başlayıblar.

Yeni ailə qurmuş cütlüyün azyaşlı oğlu isə anada qalıb. Lakin dünən gecə ata oğlunu aparmaq istəyib.

Gənc ana isə övladından ayrılmaq istəməyib. Oğlunun aparılmasına mane olmaq istəyərkən ərlə arvad arasında mübahisə yaranıb. Mübahisə əlbəyaxa davaya çevrilib.

Dava zamanı 24 yaşlı kişi baş və qarın nahiyyəsindən, 21 yaşlı qadın isə gözündən xəsarət alıb. Hər iki yaralı xəstəxanaya müraciət edib. Onlara ilkin tibbi yardım göstərilib.

Faktla bağlı araşdırma aparılır.

Oxumağa davam et
Reklam
Reklam

Gündəm