Sabiq prezidentlərin toplantısı keçirildi
Bizi izləyin

Qırmızı.az

Sabiq prezidentlərin toplantısı keçirildi

Nizami Gəncəvi Beynəlxalq Mərkəzinin təşəbbüsü ilə İstanbulda təşkilatın üzvü olan sabiq prezidentlərin toplantısı keçirilib. Toplantıda Türkiyənin 11-ci Prezidenti Abdulla Gül, Rumıniyanın eks-prezidenti Emil Konstantinesku, Latviyanın sabiq dövlət başçısı Valdis Zatlers, Bolqarıstanın keçmiş Prezidenti Petar Stoyanov, Moldovanın sabiq Prezidenti Petru Luçinski və Albaniyaya rəhbərlik etmiş Bamir Topi iştirak edib.

Diasporla İş üzrə Dövlət Komitəsindən Publika.az-a verilən məlumata görə, görüşdə regional layihələr, enerji təhlükəsizliyi və bu məsələlərdə Azərbaycanın əhəmiyyəti, bölgədə cərəyan edən proseslərdə Türkiyənin rolu, Avrasiya qitəsində təhlükəsizliklə bağlı geniş fikir mübadiləsi aparılıb.

Sabiq prezidentlər eyni zamanda aprelin 28-30-da Bakıda keçiriləcək III Qlobal Açıq Cəmiyyətlər Forumunu da geniş müzakirə ediblər. Müzakirələr zamanı bəşəriyyəti narahat edən qlobal problemlərin həlli yollarının tapılması baxımından tədbirin vacibliyi xüsusi vurğulanıb.

Qeyd olunub ki, dünya siyasətinin müəyyənləşməsində böyük rolu olan liderlərin beynəlxalq forumda iştirakı onun əhəmiyyətini daha da artırır.

Xatırladaq ki, Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə keçirilən III Qlobal Müştərək Cəmiyyətlər Forumunda 75 ölkədən əksəriyyəti sabiq dövlət və hökumət başçısı olmaqla 350-yə yaxın qonağın iştirakı gözlənilir.

Oxumağa davam et
Reklam
Reklam

Gündəm