Qırmızı.az
QMİ sədri: "Müsəlman dünyası böyük təhlükə ilə üz-üzədir"
"Əfsuslar olsun ki, müasir dönəmdə biz cəmiyyət və insan həyatına ciddi hədə olan hadisələrlə, özünü İslama aid edən radikal dini təriqətlərin və cərəyanların dağıdıcı fəaliyyəti ilə qarşılaşırıq. Görünən odur ki, müsəlman dünyası böyük bir təhlükə və sonu fəlakətə apara biləcək təxribatlarla üz-üzə qalmışdır".
Bunu Qafqaz Müsəlmanları İdarəsinin sədri Allahşükür Paşazadə bu
gün Bakıda “İslam maarifçiliyi və müasir dövr” mövzusunda keçirilən
beynəlxalq elmi konfransın açılış mərasimində bildirib.
A.Paşazadə daha sonra deyib: "Bildiyiniz kimi, biz Azərbaycanın
ayrılmaz hissəsi olan Qarabağ torpaqlarının işğalını, Xocalı
soyqırımını, erməni ekstremistlərinin mütəmadi terrorunun acılarını
yaşayan, məscidlərin dağıdılmasının, tarixi abidələrimizin məhv
edilməsinin şahidi olan bir xalqın nümayəndələriyik. Bu fəlakətləri
özümüzdə yaşadığımız üçün İraqdakı qətliamları, Suriyadakı qardaş
qırğınlarını, hər gün İŞİD-in törətdiyi rəzalətləri, Qüdsdəki hərbi
cinayətləri və terror aktlarını qətiyyətlə pisləyirik. İki yüz
ildən artıq bir dövr ərzində azərbaycanlılara qarşı mütəmadi
deportasiya və genosid siyasəti aparan Ermənistanın özünü dünyaya
“məzlum qurban” kimi təqdim etməsini siyasi riyakarlıq hesab
edirik. Həqiqi faktları təhrif edərək erməni soyqırımını
tanıyanlar, gerçək Xocalı qətliamını görməzlikdən gəlir, bu günə
qədər bu faciənin tam şəkildə real hüquqi-siyasi qiymətini verə
bilmirlər".
A.Paşazadənin sözlərinə görə, qloballaşma və inteqrasiya
proseslərinin geniş vüsət aldığı müasir dünyada, eyni zamanda
ziddiyyətli proseslər, ayrı-ayrı bölgələrdə milli-mədəni, mənəvi və
siyasi qarşıdurmalar, islamofobiya və ksenofobiya halları da
müşahidə olunur: "Təəssüf hissi ilə qeyd etməliyəm ki, etnik-siyasi
qarşıdurmalar, terrorizm, separatçılıq, dini radikalizm kimi
bütövlükdə bəşər sivilizasiyasını təhdid edən hadisələr zəmanəmizin
bugünkü acı gerçəyidir. Belə vəziyyətdə mədəniyyətlərarası dialoqa,
elm və din xadimlərinin birgə fəaliyyətinə ciddi ehtiyac vardır.
Dindən siyasi məqsədlər üçün istifadəyə, ekstremist təmayüllərə
qarşı mübarizənin ön cərgəsində, ilk növbədə nüfuzlu siyasi və dini
liderlər, ziyalılar, güclü təsir imkanlarına malik olan informasiya
vasitələri durmalıdır.
Keçirilən konfransın əsas məqsədi – bütün dünyaya dinlə elmin
vəhdətinin vacibliyini bəyan etməkdir. Bu gün “qloballaşma” məfhumu
altında həyatımıza daxil olan bir sıra problemlər vardır. Dini
müstəvidə yaşayan insanlar bu problemlərin yaranma səbəblərini
dünyanın ilahi qanunlarının pozulması ilə əlaqələndirir və hesab
edirlər ki, cəmiyyətlər Uca Yaradanın təyin etdiyi mənəvi
dəyərlərdən uzaqlaşdıqca, bəşəri fəlakətlərə
yaxınlaşırlar".
QMİ sədri bildirib ki, dünyada sülhün və əmin-amanlığın bərqərar olması, cəmiyyətdə mənəvi-əxlaqi bazisin yaradılması və ənənəvi dəyərlərin qorunması məsələsində ziyalıların, elm və din xadimlərinin səylərinin birləşdirilməsi önəmli şərtlərdəndir: "Dinimizdə elmin və alimin mövqeyi barədə Peyğəmbərimiz Həzrət Məhəmməd əleyhissalamın mübarək hədisi vardır ki, alimlər peyğəmbərlərin varisləri, xəlifələri və davamçılarıdır, peyğəmbərlərin yolunu davam etdirənlərdir. Yaxın keçmişimizə qədər dinə bəslənən neqativ münasibəti, elm və din arasında uçurum fərqi qoyulmasını ruhun bədəndən ayrılmasına bənzətmək olar. Bu gün din və elm yaradılan şərait və imkanlardan istifadə edərək bir-birinə arxa-dayaq olmalı, cəmiyyətin, özəlliklə gələcək nəslin düzgün ruhda tərbiyəsinə və maariflənməsinə yardım etməlidir. Çox sevindirici haldır ki, AMEA ilə birgə keçirdiyimiz bu beynəlxalq konfrans bu sahədə apardığımız işlərin ilk müsbət göstəricisidir".
Gülxar
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı