Qırmızı.az
Xocalı Şəhidləri Şərqşünaslıq İnstitunda anıldı
AMEA akademik Ziya Bünyadov adına Şərqşünaslıq İnstitutunda Xocalı şəhidlərinin anım mərasimi keçirilib.
Publika.Az-ın məlumatına görə, tədbirdə çıxış edən Şərqşünaslıq İnstitutunun direktoru, millət vəkili, professor Gövhər Baxşəliyeva fevralın 26-sının Azərbaycan xalqı üçün çox ağrılı bir gün olduğunu qeyd edib.
Xocalı faciəsinin iki yüz ilə yaxın bir müddətdə erməni şovinist-millətçiləri tərəfindən azərbaycanlılara qarşı müntəzəm olaraq həyata keçirilən etnik təmizləmə və soyqırımı siyasətinin davamı və ən qanlı səhifəsi olduğunu qeyd edən Gövhər xanım bu dəhşətli hadisənin ağır nəticələrindən söz açıb və həmin günü xalqımızın böyük hüzn və kədərlə qeyd etdiyini söyləyib. G.Baxşəliyeva xocalıların erməni-sovet hərbi birləşmələrinə qarşı qeyri-bərabər döyüşdə igidliklə vuruşduqlarını və xalqımızın qəhrəmanlıq tarixinə şərəfli səhifələr yazdıqlarını bildirib. Gövhər xanım Xocalının səsini bütün dünyaya bəyan etməyin hər bir azərbaycanlının borcu olduğunu söyləyib və Şərqşünaslıq İnstitutunda da bununla bağlı görülən işlərdən danışıb. İnstitutda Xocalı faciəsi ilə bağlı yazılar, sənədlər və digər mühüm materiallar şərq dillərinə tərcümə edilərək yayılır.
Tədbirdə institut əməkdaşlarından iqtisad üzrə fəlsəfə doktoru
Əkrəm Rəhimli, hüquq üzrə fəlsəfə doktoru Sultanəli Mirzəzadə,
tarix üzrə elmlər doktoru Şahin Mustafayev, tarix üzrə elmlər
doktoru Solmaz Rüstəmova-Tohidi, tarix üzrə fəlsəfə doktoru Bəşarət
Bəşirova və başqaları çıxış edərək, Xocalı faciəsinin Azərbaycan
xalqını sarsıtdığını, Xocalı sakinlərinə sağalmaz yaralar, mənəvi
zərbələr vurduğunu söyləməklə yanaşı, xocalıların amansız soyqırımı
günündə də özlərini əsl qəhrəman kimi apardıqlarını qeyd
ediblər.
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO