Ovçulara MÜJDƏ – biletlər ömürlük veriləcək
Bizi izləyin

Qırmızı.az

Ovçulara MÜJDƏ – biletlər ömürlük veriləcək

“Ovçuluq biletinin forması, qeydiyyatı və ovçuluq fəaliyyəti ilə məşğul olmaq istəyən şəxslərə verilməsi qaydası”nda bəzi dəyişikliklər edilib.

Nazirlər Kabinetindən Publika.az-a verilən məlumata görə, bundan sonra “Ovçuluq bileti”ni Ekologiya və Təbii Sərvətlər Nazirliyi və Xüsusi Dövlət Mühafizə Xidmətinin tabeliyində olan “Hərbi Ovçuluq İttifaqı” Məhdud Məsuliyyətli Cəmiyyətinin üzvlərinə münasibətdə Xüsusi Dövlət Mühafizə Xidməti verəcək.

Ekologiya və Təbii Sərvətlər Nazirliyinin verdiyi ovçuluq biletinin formasında heç bir dəyişiklik olmasa da, Xüsusi Dövlət Mühafizə Xidməti tərəfindən verilən ovçuluq biletində bəzi fərqlər olacaq.

Yeni dəyişiklikdə “Hərbi Ovçuluq İttifaqı” Məhdud Məsuliyyətli Cəmiyyətinin üzvlərinə verilən “Ovçuluq bileti” ilə bağlı forma da müəyyənləşib.

Ovçuluq biletinin içərisində birinci səhifəsinin yuxarı hissəsində “Azərbaycan Respublikasının Xüsusi Dövlət Mühafizə Xidməti” sözləri yazılacaq.

Xüsusi Dövlət Mühafizə Xidməti tərəfindən verilən “Ovçuluq bileti”nin cildi tünd-qırmızı rəngdə olur və ölçüləri 7,0 sm x 10,0 sm təşkil edir.

Azərbaycan Respublikası Xüsusi Dövlət Mühafizə Xidmətinin tabeliyində olan “Hərbi Ovçuluq İttifaqı” Məhdud Məsuliyyətli Cəmiyyətinin üzvlərinə müddətsiz olacaq.

Gülxar

Oxumağa davam et
Reklam
Reklam

Gündəm