Erməni kəşfiyyatçının özüylə gətirdiyi minalar Ermənistanda istehsal olunub - FOTO
Bizi izləyin

Qırmızı.az

Erməni kəşfiyyatçının özüylə gətirdiyi minalar Ermənistanda istehsal olunub - FOTO

Bu gün Gəncə Ağır Cinayətlər Məhkəməsində erməni hərbi qulluqçu Arsen Baqdasaryanın cinayət işi üzrə növbəti məhkəmə baxışı keçirilib.

Publika.az Kəpəz TV-yə istinadən xəbər verir ki, hakim Elbəy Allahverdiyevin sədrliyi ilə baş tutan prosesdə zərərçəkənlərin ifadələri dinlənilib və cinayət işinə əlavə olunan sənədlərlə tanışlıq olub.

Bildirilib ki, təqsirləndirilən A.Baqdasaryanla bağlı keçirilən məhkəmə-tibbi və psixoloji ekspertizanın nəticələri təqsirləndirilən şəxsin Azərbaycana keçdiyi vaxt səhhətində və psixoloji durumunda heç bir pozğunluğun olmadığını göstərib.

Sonra prosesdə cinayət işinə əlavə olunan sənədlərlə tanışlıq zamanı bildirilib ki, A.Baqdasaryanın özü ilə gətirdiyi minalar Ermənistanın Kirovakan rayonundakı zavodda istehsal olunub.

Bu gün eyni zamanda məhkəmə prosesinin yekunlaşdığı elan olunub. Çıxış üçün söz dövlət ittihamçısına verilsə də, prokuror məhkəmədən vaxt istəyib. İttihamçı tərəfin dinlənilməsi üçün növbəti məhkəmə prosesi mayın 4-nə təyin olunub.

Oxumağa davam et
Reklam
Reklam

Gündəm