Qırmızı.az
Muğanlı-İsmayıllı yolunda sürüşmə aktivləşib
Yağışlı hava şəraiti Lerik-Lənkəran yolunun 29-cu km-də uçquna səbəb olub.
Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planlama Ekspedisiyasının baş geoloqu Ələmdar Piriyev Publika.az-a açıqlamasında hazırda həmin sahədə iş apardıqlarını deyib.
“Uçqunla əlaqədar müvəqqəti olaraq yolda avtomobillərin hərəkəti məhdudlaşdırılsa da, artıq hərəkət bərpa edilib. Bununla yanaşı, yolda iş aparılır. Yağışın təsirindən həmin yolun müxtəlif hissələrində uçqunlar baş verib. Bu uçqunlar hərəkətə təsir etməyib”.
Ə.Piriyev son günlər müşahidə edilən yağışların bəzi sürüşmə sahələrində aktivliyə səbəb olduğunu deyib:
“Hazırda Abşeron yarımadası ərazisindəki sürüşmə sahələrində sabitlik müşahidə edilir. Lakin Muğanlı-İsmayıllı yolu, Ağsu aşırımında cüzi aktivləşmə nəzərə çarpır. Torpaqda yaranan çatlar nəzərəçarpacaq dərəcədə deyil, aktivlik ciddi fəsadlara səbəb olmayıb”.
Ə.Piriyev hazırda əməkdaşların ölkə ərazisindəki sürüşmə sahələrində monitorinqlər apardığını bildirib:
“Hazırkı sürüşmə sahələrinin son durumu, yeni sahələrin yaranması barədə monitorinqlərimiz davam edir. Bu işlər başa çatandan sonra konkret fikir deyə biləcəyik. Lakin hazırkı durumda sürüşmə sahələri çox da aktiv deyil. Mart-aprel ayı ərzində yağan yağışlar nəticəsində Ağsu aşırımı, Muğanlı-İsmayıllı, Lənkəran-Astara yolunda uçqunlar oldu. Ağsu aşırımının bəzi ərazilərindəki çatlarda 1sm-ə qədər genişlənmə baş vermişdi”.
Gülxar
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!