Tələbələr ixtisaslarının məşhur simalarını tanıyacaq

Milli Aviasiya Akademiyasının Tələbə Gənclər Təşkilatının (MAA TGT) təşəbbüsü Azərbaycan Tələbə Gənclər Təşkilatları İttifaqının təşkilati Dəstəyi və prezident yanında Gənclər Fondunun maliyyə dəstəyi ilə İxtisasımın simaları layihəsi reallaşdırılır.

Publika.Az-ın məlumatına görə, “İxtisasımın simaları” layihəsi tələbə gənclərə təhsil aldıqları ixtisasın məşhur simaları ilə tanış olmağa kömək edəcək, eyni zamanda onlara motivasiya verəcək. Layihə çərçivəsində hər bir tələbə hal-hazırda təhsil aldığı ixtisasın məhşur üzlərini tanıyacaq, həmçinin onların nail olduqları uğurlarla tanış olmaq şansını da qazanacaqlar.

Layihəni həyata keçirməkdə məqsəd, tələbələrin öz ixtisaslarına qarşı maraqlarının artması, təhsil aldıqları sahənin məşhurları ilə tanış olmaq imkanını qazandırmaqdır. Bununla da gənclər onların təhsil aldıqları ixtisasın malik olduğu imkanları daha yaxşı dərk edə biləcəklər.

Layihə çərçivəsində hazırlanmış kitabça və posterlərdə Nərgiz Paşayeva, Ayaz Salayev, Elnur Məmmədli, Polad Bülbüloğlu, Bill Gates, Steve Jobs, Michelle De Bakey və digər məhşur şəxslər yer alıb.