Qırmızı.az

Azərbaycan Fransa istehsallı elektrovozlar alır

5 İyun 2015 10:38

Yaxın günlərdə Azərbaycanın Fransanın “Alstom” şirkətinin istehsalı olan 50-yə yaxın elektrovoz alması ilə bağlı kredit sazişinin imzalanacağı gözlənilir.

Trend-in məlumatına görə, bu barədə “Azərbaycan Dəmir Yolları” QSC-nin sədri Cavid Qurbanov bildirib.

O qeyd edib ki, cəlb olunan maliyyə vəsaiti hesabına dəmiryolları, dəmiryol infrastrukturu və kommunikasiyasının bərpası üzrə işlər də həyata keçiriləcək: “Bakı-Sumqayıt marşrutu üzrə dəmiryol əlaqəsinin işə salınması başa çatdıqdan sonra Gəncə, daha sonra şimal istiqamətində sürət qatarlarının işə salınması planlaşdırılır".

C.Qurbanov vurğulayıb ki, Bakı-Sumqayıt marşrutu üzrə dəmiryol xəttində əsaslı təmir QSC-nin daxili vəsaiti hesabına aparılır.