Qırmızı.az
Bu gecə niyyət axşamıdır - VİDEO
Müqəddəs ay gəlib çatdı. Qafqaz Müsəlmanları İdarəsinin
Qazilər Şurasının Ramazan ayı ilə bağlı fətvasına uyğun olaraq bu
gecə niyyət gecəsidir.
ANS TV-nin məlumatına görə, Qafqaz Müsəlmanları İdarəsinin (QMİ)
Qazilər Şurası Ramazan ayının sabah başlaması haqqında fətva verib.
Bu isə o deməkdir ki, bu gecə oruc tutanlar üçün niyyət
axşamıdır.
Niyyət axşamı oruc tutan şəxsin edəcəyi əməli özü üçün
müəyyənləşdirməsi deməkdir. Bu gecə niyyət edən müsəlmanlar bir ay
boyunca oruc tutacaqlarını, 11 ayın sultanı Ramazanı ibadətlə
keçirəcəklərini Allah qarşısında dilə gətirirlər.
İlahiyyatçı İsmayıl Əhmədov bildirir ki, yaxşı olar ki, həmin
gecədə qüsül alınsın və səhəri gün isə Allahın vacib buyurduğu
Ramazanın hökümlərini yerinə yetirsin: "Ümumiyyətlə biz Quranda üç
yerdə Ramazan barədə xəbər verildiyini görürük.Əl-Bəqərə sürəsinin
183-185. Növbəti dəfə Qədr sürəsində xüsusi qeyd olunur”.
Sabahdan başlayacaq Ramazan ayı islam dinində böyük önəmə malikdir.
Bu ay islam dininin müqəddəs kitabı - Qurani-Kərimin nazil olduğu,
dilənən diləklərin, deyilən duaların qəbul olunduğu aydır.
Ramazan günahların bağışlandığı, müqəddəs günlərin ayıdır.
Fəzilətinə, xeyirinə görə İslam peyğəmbərinin 11 ayın sultanı
adlandırdığı Ramazanı faydalı keçirmək vacibdir.
“Peyğəmbərimizin Ramazanla bağlı gözəl buyruqları var. Məslən,
buyurur ki, Ramazan ayında günahları bağışlanmayan bir şəxs hansı
günü gözləyir. Ramazan ayında insanların günahlarının bağışlanması
şansı daha çoxdur”, – deyə ilahiyyatçı İsmayıl Əhmədov
vurğulayıb.
Ramazan ayı boyunca oruc tutanlar üçün Şamaxı Astrofizika
Rəsədxanasının hesablamaları əsasında tərtib edilən təqvim
açıqlanıb.
QMİ tərəfindən təqdim edilən təqvimdə müqəddəs Ramazan ayında hər
gün oxunan, eləcə də iftardan qabaq deyilən dualar yer alıb.
-
İdman22:04
"Qarabağ" finalda!
-
Hadisə21:49
Vətən müharibəsi iştirakçısı anasının xəstəliyini eşidib intihar etdi
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı