Qırmızı.az
“Avropa Oyunları Azərbaycanda nəyi dəyişdirdi?” – Əl-Cəzirənin Bakıdan reportajı
“Əl-Cəzirə Türk” televiziyasının saytında ilk Avropa Oyunları ilə bağlı məqalə dərc olunub.
Publika.az xəbər verir ki, Bakıda olan “Əl-Cəzirə”nin idman
redaktoru Əhməd Sivaslı “Oyunlar Azərbaycanda nəyi
dəyişdirdi?” başlığı ilə araşdırma aparıb.
“Azərbaycanın paytaxtı Bakı tarixdə ilk dəfə təşkil olunan Avropa
Oyunlarına ev sahibliyi edir. Bu, Azərbaycanda indiyə qədər təşkil
olunan ən böyük idman yarışıdır”, - deyə məqalədə qeyd olunur.
Müəllif yazır ki, Cənubi Qafqazın ən böyük ölkəsi son illərdə
idmana yatırdığı investisiyalarla diqqət çəkir: “2002-ci ildən
indiyə qədər Azərbaycanda 36 beynəlxalq turnir keçirilib. Gələn il
Formula 1, iki il sonra 57 ölkənin qatıldığı İslam Həmrəylik
Oyunları, 2020-ci ildə isə futbol üzrə Avropa çempionatının üç qrup
oyunları və yarımfinal oyunlarından biri Bakıda reallaşacaq.
Dünyanın ən yaxşı klublarından olan “Atletico Madrid” formasının
üzərində “Azərbaycanı zirayət edin” sözlərinin yazılması da idmanın
gücündən istifadə edərək həm turizmin inkişafına nail olmaq, həm də
ölkənin beynəlxalq tədbirlərin təşkil edilməsi gücünə malik
olduğunu sübut etmək məqsədi daşıyır. Azərbaycan əhalisinin sayı
9,5 milyondur. Turizm nazirliyinin məlumatına görə, ötən il
Azərbaycana 3 milyon turist gəlib. Bu ilin sonuna kimi həmin
rəqəmin 10 dəfə artacağı gözlənilir”.
Ə. Sivaslı Bakıda Azərbaycanın turizm agentlərindən birinin
rəhbəri Ruslan Quliyevlə də görüşüb.
R. Quliyev turistlərin sayının əvvəlkindən daha çox olduğunu
bildirib.
“Avropa Oyunları Azərbaycan tarixinə qızıl hərflərlə yazılacaq. Bu
oyunların həm ölkənin tanıdılması, həm turizmin inkişafına böyük
təsiri var. Avropa Oyunları Azərbaycan turizminin inkişafını 6-7 il
qabağa atdı. İnfrastruktur inkişaf etdi, yollar düzəldi, əyləncə
mərkəzləri, otellər açıldı. Gələn qonaqlara, idmançılara
Azərbaycanı tanıtmaq bizim üçün çox vacib məsələdir. Bu,
mədəniyyətimizi təbliğ etmək üçün də çox önəmlidir. Azərbaycan təkə
Bakıda ibarət deyil. Digər rayonlar da çox gözəldir və bura dünyaya
açılan yeni turizm qapısıdır. Mədəniyyət və Turizm Nazirliyinin
təlimatı ilə hər kəs üçün şəhər kənarına qısa turlar təşkil olunur.
Hər kəsi qonaq kimi qarşılayırıq. Xidmət səviyyəsi də yüksəkdir”, -
deyə R. Quliyev vurğulayıb.
Onun sözlərinə görə, Azərbaycanda otel biznesi sürətlə inkişaf
edib: “5 il öncə 200-300 otel var idi. İndi isə otellərin sayı
500-dən çoxdur. Hazırda 40-dan çox otelin inşası da davam edir.
Turizm agentlərinin də sayı artıb. Əhalisi 10 milyona yaxın olan
bir ölkə üçün bu göstərici yaxşıdır. Biz bu il mövsümün sonuna kimi
3 milyon turist gözləyirik. Lakin biz rəqəmdən çox keyfiyyətə önəm
veririk. Yalnız Bakı deyil, Qəbələ, Gəncə, Lənkəran, Naxçıvan kimi
əhəmiyyətli mədəniyyət mərkəzlərimiz var. Azərbaycan idman
oyunlarının təşkilində dünyaya çox gözəl bir nümunə olacaqdır. Biz
Azərbaycanı Avropanın idman paytaxtı etmək istəyirik”.
Bakı Avropa Oyunları Təşkilat Komitəsinin (BEGOC) İdarə Heyətinin
üzvü Elçin Səfərov isə oyunların yayımlanması üçün 60 telekanalla
müqavilə imzalandığını deyib: “Oyunlar 100-dən çox ölkədə canlı
yayımlanır. Azərbaycanın ən çox önəm verdiyi məsələlərdən biri də
bu oyunlar zamanı ölkənin təbliğinin aparılmasıdır. Olimpiya
Stadionunun yaxınlığında atletlər və media kəndi yeni inşa olunub.
Atletlər kəndində 3755, Media kəndində isə 1464 otaq var. Oyunlar
12 idman obyektində keçirilir. Bu obyektlərdən 5-i yeni inşa
olunub”.
E. Səfərov Avropa Oyunlarının Azərbaycana verdiyi xeyirlərdən
birinin təhsil olduğunu deyib: “Oyunların təşkili üçün minlərlə
gənc öyrədildi. Gələcəkdə digər turnirlər keçiriləndə hazırlığımız
daha yüksək səviyyədə olacaq, kadr problemi yaşamayacağıq”.
Onun sözlərinə görə, gələcəkdə Azərbaycanda keçiriləcək idman
turnirləri zamanı yeni obyektlərin inşasına da ehtiyac
olmayacaq.
“Oyunlar Azərbaycanın turizminə də təsir edəcək. Turizmdə yüksəlişi
iki, ya üç il sonra açıq şəkildə görə biləcəyik”, - deyə o
vurğulayıb.
Asif Nərimanlı
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art28 Mart 19:36
Azərbaycan və Türkiyə birgə film çəkəcəklər - ADI AÇIQLANDI