Nazirə hava proqnozuna görə təşəkkür edilib
Bizi izləyin

Qırmızı.az

Nazirə hava proqnozuna görə təşəkkür edilib

Bakı Avropa Oyunları Əməliyyat Komitəsi (BAOƏK) Bakı-2015 Avropa Oyunları ərəfəsində göstərdiyi xidmətlərə görə Ekologiya və Təbii Sərvətlər Nazirliyinə (ETSN) təşəkkür edib.

Nazirliyin mətbuat xidmətindən Publika.az-a verilən məlumata görə, Bakı Avropa Oyunları Əməliyyat Komitəsinin Atlet Xidmətləri və İdman Əməliyyatları Departamentinin müdiri Mark Honeybunn Bakı-2015 Avropa Oyunlarından əvvəl və Oyunların keçirildiyi müddətdə göstərdiyi meteoroloji və ekoloji müşahidələr, hava proqnozu və suyun analiz edilməsi xidmətlərinə görə ekologiya və təbii sərvətlər naziri Hüseynqulu Bağırova təşəkkür məktubu göndərib.

Məktubda deyilir: “Hörmətli cənab nazir, Bakı-2015 Avropa Oyunlarından əvvəl və oyunların keçirildiyi müddətdə nazirliyinizin müvafiq qurumları tərəfindən göstərilmiş meteoroloji və ekoloji müşahidələrə, hava proqnozu və suyun analiz edilməsi xidmətlərinə görə Sizə öz təşəkkürümüzü bildirmək istəyirik.

BAOƏK Atlet Xidmətləri və İdman Əməliyyatları Departamenti ilə ETSN-in Oyunlara cavabdeh qurumları arasında hələ 2014-cü ilin noyabr ayından sıx əlaqələr yaradılıb. Məmnuniyyətlə bildiririk ki, yüksək professionallardan ibarət komandanızla ilk görüşdən qarşılıqlı inam və anlaşma əlaqələri yaranıb.

Oyunlar vaxtı Milli Hidrometeorologiya Departamenti əməkdaşlarının meteoroloji avadanlıqların quraşdırıldığı idman obyektlərində növbətçiliyi qrafikə uyğun təmin olunaraq meteoroloji məlumatlar və proqnozlar vaxtında BAOƏK-in mərkəzi qərargahına ötürülüb. Hava proqnozlarının yüksək keyfiyyətini əlavə qeyd edirik.

İlk Avropa Oyunlarının müvəffəqiyyətlə başa çatmasında nazirliyinizin üzərinə düşən məsuliyyətli vəzifəni yüksək səviyyədə yerinə yetirdiyinizə və göstərdiyiniz dəstəyə görə Sizə və müəyyən etdiyiniz komanda üzvlərinə öz təşəkkürümüzü bildiririk”.

Oxumağa davam et
Reklam
Reklam

Gündəm