• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Sumqayıt Dövlət Universitetinin yeni rektoru kollektivə təqdim edilib

Sumqayıt Dövlət Universitetinin yeni rektoru kollektivə təqdim edilib

Prezident İlham Əliyevin sərəncamı ilə martın 7-də Sumqayıt Dövlət Universitetinin (SDU) rektoru vəzifəsinə təyin olunmuş Elxan Hüseynov bu ali təhsil müəssisəsinin kollektivinə təqdim olunub.

Tədbirdə təhsil naziri Mikayıl Cabbarov və Sumqayıt şəhər İcra Hakimiyyətinin başçısı Eldar Əzizov iştirak etmişdirlər.

Təhsil naziri qeyd etmişdir ki, ölkəmizdə ali təhsil sahəsində həyata keçirilən islahatlar, ali təhsil müəssisələrində şəffaf, səmərəli təhsil mühitinin yaradılması, təhsilin keyfiyyətinin yüksəldilməsi və ali məktəblərin idarə olunması işinin müasir tələblər səviyyəsində qurulması məqsədlərinə xidmət edir.

SDU-nun rektoru Elxan Hüseynov ona göstərilən etimada görə ölkə prezidentinə minnətdarlığını bildirmiş və üzərinə düşən vəzifəni yüksək səviyyədə yerinə yetirmək üçün səylə çalışacağını demişdir. Ali təhsilin xalqın intellektual potensialının və ölkənin hərtərəfli inkişafı baxımından müstəsna rolundan bəhs edən rektor SDU-da yüksək səviyyəli təhsil mühitinin yaradılmasına nail olmaq üçün geniş imkanların olduğunu nəzərə çatdırmışdır.

Xəbər lenti

DAHA ÇOX XƏBƏR