• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Səbuhi Rəhimlidən martın 20-nə olan astroloji proqnoz

  • Qoroskop
  • 20 Mart 2014 00:25
  • 1 670 Baxış
Səbuhi Rəhimlidən martın 20-nə olan astroloji proqnoz

QOÇ - Bir neçə əlamətdar hadisə gözlənilir. Ələlxüsus da qarşılıqlı münasibətlərdə vəziyyət xeyrinizə dəyişə bilər. Əgər Bayramdan daha çox zövq almaq istəyirsinizsə, səfərə çıxın.

BUĞA - Yeni Zodiak dövrünün başlanması potensial enerjinizi artıracaq. Bu səbəbdən də qarşınıza qoyduğunuz planları reallaşdırma yolları haqqında düşünməlisiniz. Bayrama sidq-ürəklə hazırlaşın.

ƏKİZLƏR - Göy qübbəsinə inansaq, ixtiyarınızda olan bu gözəl gündə yeni dostlar qazanacaq, maraqlı hadisələrin şahidi olacaqsınız. Amma mübahisələrə yol verməməli, uzaq yola çıxmamalısınız.

XƏRÇƏNG - Şəxsi münasibətlərdəki soyuqluğu aradan qaldırın. Unutmayın ki, Novruzun müqəddəsliyi umu-küsüləri silib aparmağındadır. Bundan yararlanın. Bu gün təzə xəbər də eşidəcəksiniz.

ŞİR - Astroloji göstəricilər bu ərəfədə əksər proseslərin xeyrinizə cərəyan edəcəyini bildirir. Bir də ki, axşam öz ünürünüz başlayır və dərhal ovqatınızda yüksəliş olacaq. Çozlarından enerjili olacaqsınız.

QIZ - Yaxşı olar ki, bu ərəfədə dini ayinlərə əməl edəsiniz. Müqəddəs ziyarətgahlara getmək də səmərəlidir. İnsanlara xeyirxahlıq göstərin. Bu arada dilinizdən yalnız xoş sözlər çıxmalıdır.

TƏRƏZİ - Ulduzların düzümü çoxsaylı səfər və qonaqlıqlarda iştirakınızın labüdlüyündən xəbər verir. Sevdiyiniz adamların ətrafında olmaqla daxili sıxıntılarınızı aradan qaldıra bilərsiniz.

ƏQRƏB - Planetinizin idarə etdiyi bu təqvimdə uğurlarınız kifayət qədər artacaq. Uzaqda yaşayan doğmalarınızdan isə xüsusi sayqı görəcəksiniz. Maliyyə məsələləri də qismən qaydasına düşəcək.

OXATAN - Qarşınızda olduqca səmərəli sövdələşmələr durur. İstənilən danışıqda təşəbbüskarlığı ələ ala bilsəniz, gələcək perspektivlərinizə yaxınlaşacaqsınız. Axşama doğru uzaq yola çıxmaq da olar.

OĞLAQ - Planetlərin yerdəyişməsinə təsadüf edən bu tarixdə şəxsi büdcənizdə bəzi problemlər ola bilər. Mövcud situasiyalardan təkbaşına qurtula bilməsəniz, etibarlı insanlara müraciət edin.

SUTÖKƏN - Səbrsizlik etməyə lüzum yoxdur. Əksinə, əzmkarlığınızı artırmaqla çox şeyə nail ola bilərsiniz. Bayram münasibətilə özünüzə xoş şeylər arzulayın. Ailə-sevgi münasibətlərinə həssas yanaşın.

BALIQLAR - Bu təqvimi səmərəli şəkildə keçirmək üçün ətrafınızdakılarla səmimi davranın. Maraqlı səfərlər də yolunuzu gözləyir. Ötən günlərdə baş qaldıran maddi sıxıntılarınız azalacaq.

Xəbər lenti

DAHA ÇOX XƏBƏR