Qoroskop
Astroloji proqnoz - 26 iyun
Qoç - Gün sizə çox uğursuz görünür. Müsbət
tendensiyalar arabir varlığını hiss etdirir, amma əhvalınızın
düzəlməsi üçün bu kifayət etmir. Xüsusilə vacib görüşlərə gedənlər,
seminar və konfranslar keçirən, kütlə qarşısında çıxış edənlər üçün
çətin olacaq. Sadəcə sənədlər, alətlər və yaxud maraqlı bir kitabla
başbaşa qalan Qoçların vaxtı daha yaxşı keçəcək.
Yaxınlarınızla münasibətləriniz hamar, amma bir az soyuqdur, bu isə
sizi narahat edir. İnsanlar haqda dayaz düşünür, etibara layiq
olmayan adamlara sirlərinizi verirsiniz.
Buğa - İşdə ciddi fikir ayrılıqları olacaq.
Bunları aradan qaldırmaq üçün nəzakətli olmaq lazım gələcək.
Düşündüyünüzü dilinizə gətirməyə tələsməyin. Amma yenə də "illah da
deməliyəm!" niyyətindəsinizsə, öncə iki dəfə düşünün. Şəxsi
maraqlarınız işdəki ilə heç üst-üstə düşmür, bu isə sizi təbdən
çıxarır.
Günün ikinci yarısı xoş sürprizlər gözləyin. Çoxdan düşündüyünüz
bir planı həyata keçirmək şansınız yaranacaq. Hadisələrin uğurlu
inkişafı maliyyə vəziyyətinizi yaxşılaşdırmağa imkan verəcək.
Əkizlər - Günün birinci yarısı enerjinizin
aşıb-daşdığını hiss edəcəksiniz. Mürəkkəbliyindən, qarışıqlığından
asılı olmayaraq istənilən işin qulpundan yapışmağa hazırsınız.
Peşəkar ambisiyalarınız güclənir, yaradıcı planlarınızı həyata
keçirmək həvəsiniz də artır. Ancaq bu gün vaxtından tez
"yanırsınız": təsadüfən uğursuzluğa düçar olursunuzsa, başladığınız
işə olan bütün həvəsiniz itir.
Axşam vəziyyət 180 dərəcə dəyişir. Qaraqabaq, qapalı birinə
çevrilir, ünsiyyəti məhdudlaşdırırsınız. Yaxınlarınızın diqqəti və
qayğısı sizi sevindirmək əvəzinə, daha da əsəbləşdirir. Sizinlə dil
tapmaq çox çətindir.
Xərçəng - Məhsuldar gündür. İş görmək vaxtıdır.
İrimiqyaslı işgüzar planlarınızı həyata keçirməyə çalışın. Xeyli
məsələnin öhdəsindən gəlmək gücündəsiniz. Sizə şübhə edənlərə tam
əksini sübut edə bilərsiniz. Vacib sənədlər, uzunmüddətli
müqavilələr imzalaya bilərsiniz.
Ancaq emosional durumunuz elə də yaxşı deyil. Öz qələbələrinizə
sevinmirsiniz. Bir çox Xərçənglər bu yaxınlarda yaranmış şəxsi
problemləri səbəbindən narahatdırlar, qara fikirlərdən can
qurtarmaq çətindir. Günün ikinci yarısında miqren və yuxusuzluqdan
əziyyət çəkə bilərsiniz.
Şir - İşə köklənmək elə də asan deyil. Çünki
fikriniz tamam başqa yerdədir. Həmkarlarınızla mübahisələr
mümkündür. Çətin ki, rəhbərlik vəzifənizi yerinə yetirmək
tərzinizdən razı qalsın. Pulları havaya sovurmağa meyllisiniz. Nə
ilə bitəcəyi barədə isə heç fikirləşmirsiniz.
Bu günün çətinliklərinə baxmayaraq, yaxşı əhvalı və həyata nikbin
baxışınızı qoruyub saxlayırsınız. Vaxtilə birlikdə oxuduğunuz və
yaxud ümumi elmi maraqlarla bağlı olduğunuz insanlarla görüşlər
üçün əla gündür.
Qız - Müsbət və mənfi tendensiyalar sizin
əhvalınıza hakim olmaq uğrunda sanki savaşa çıxıblar. Bu səbəbdən
tarazlığı saxlamaq çətindir. Qarşınıza qoyduğunuz məsələləri həll
etmək asan olmayacaq, amma təslim olmağa niyyətiniz yoxdur.
Çoxdankı düşməninizə qalib gələ bilərsiniz, amma onun yerinə iki,
hətta üç yenisi çıxacaq.
Yaradıcı fəaliyyətə köklənin, uzun müddət qurduğunuzu isə qoruyub
saxlamağa, dağıtmamağa çalışın. Yeni ideya və maraqlar köhnələrini
sizə unutdurmasın. Eyni sözləri romantik münasibətlər barədə də
söyləmək olar.
Tərəzi - Asan və xoş ünsiyyətlər, görüşlər,
işvə-naz və yüngül flirt günüdür. Vacib məsələlərin həllinə
çalışmayın, onsuz da onlara lazımi ciddiliklə yanaşa
bilməyəcəksiniz. Gizli saxlamaq istədiyiniz bir məlumatın yayılması
mümkündür: narahatlığınıza rəğmən, bunun sizə ziyanı
dəyməyəcək.
Bu gün şayiələr çox olacaq, heç birinə inanmayın. Qadınlarla
münasibətlərdə təmkinli və ehtiyatlı olun: onlar öz maraqları
xatirinə sizdən istifadə etməyə çalışacaqlar.
Əqrəb - Aktivlik bir çox işinizi irəlilədəcək. Bir
növ - Veni-Vidi-Vici. Amma məhz lazım olan yerə getmək lazımdır.
Yəni ölçüb-biçmək pis olmaz. Uğurlu işgüzar səfərlər mümkündür.
Biznesmenlər öz işlərini genişləndirmək şansı qazanacaqlar.
Vacib sənədlər, eyni zamanda şəxsi həyatınıza aid olanları imzalaya
bilərsiniz. Ziyafətlər gözləntinizi doğrultmayacaq. Axşam
dostlarınızla aranızda ciddi fikir ayrılıqları mümkündür.
Oxatan - Vaxtında kömək üçün müraciət etsəniz, çox
şeyə nail ola bilərsiniz. Ancaq lazımi adamı tapmaq asan olmayacaq.
İntuisiyanız, elə bil, ağzına su alıb. Kütlə qarşısında çıxışlar
pis keçmir, amma çox yorur. Başağrısı, yaxud halsızlıq qazana
bilərsiniz.
Maliyyəyə aid işlərdə ağıl nümayiş etdirirsiniz. Sövdələşmələr, iri
alış-veriş üçün münasib gündür. İstedadlarınız üzə çıxır. Yeni
pərəstişkarlarınız peyda olur.
Oğlaq - Bu gün çox çətin olacaq, yalnız axşama
doğru müsbət tendensiyalar özünü göstərəcək. Bir qırağa çəkilin,
gizlənin və gözləyin - bu, xoşagəlməz situasiyalardan qurtulmağın
yeganə yoludur. Rəhbərlikdən, nüfuzlu adamlardan, dövlət
idarələrinin işçilərindən uzaq durun.
Güclü və müdrik bir insanın dəstəyini qazana bilərsiniz. Ancaq bu o
halda mümkündür ki, siz onun elə də xoşunuza gəlməyən məsləhətinə
əməl etməyə özünüzdə güc tapasınız. Ailədəki fikir ayrılıqları sizi
ciddi görünmür, amma onların kökü uzaq keçmişlə bağlıdır, düşünməyə
dəyər.
Dolça - Xoş bir gün olacaq. Yaxşı əhval-ruhiyyəni
günün sonunadək qoruya biləcəksiniz. Sizi sevindirmək üçün çox az
şey gərəkdir. Sevdiyiniz adam sizdən diqqət və qayğını əsirgəmir.
Dostlarla ünsiyyət üçün əla gündür. Onlar sizin hər bir ideyanızı
dəstəkləyəcəklər.
İşdə vəziyyət elə də parlaq deyil, çünki bu sizi tamamilə
maraqlandırmır. Eyni zamanda vəzifənizi düzgün yerinə yetirməkdən
də imtina etmirsiniz və rəhbərlik sizdən razıdır.
Balıqlar - Günün birinci yarısı həddən artıq
diqqət və ehtiyat tələb edəcək. Bu dövrdə yaxşı olardı ki,
ümumiyyətlə heç nə etməyəsiniz, amma belə bir imkan çətin yarana.
Ən azından, vacib qərarlar verməyə, bütün körpüləri yandırmağa
tələsməyin. Həm fiziki, həm mənəvi gücünüzü qoruyub saxlayın.
Axşam daha xoş keçəcək. İstənilən faydalı fəaliyyət üçün münasib
gündür. Yaradıcı potensialınız yüksəkdir, həm özünüzün, həm sizə
yaxın olan insanların həyatını maraqlı etməyə çalışırsınız.
milli.az
-
Sosial14:05
Gələn ilin pensiya artımları nə vaxt bəlli olacaq? - Komitə sədri açıqladı
-
Qoroskop13:26
Aprelin bəxtəvər 3 bürcü - Şans ayaqlarına gələcək
-
Dünya12:50
Yəhudilər Netanyahunu devirməlidir, yoxsa... - Sensasion açıqlama
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta düşdü - FAKTİKİ HAVA