• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Astroloji proqnoz - 22 mart

  • Qoroskop
  • 22 Mart 2015 00:03
  • 1 388 Baxış
Astroloji proqnoz - 22 mart

QOÇ - Saat 14-ə qədərki vaxtı səbrlə başa vursanız, günün qalan hissəsində hansısa xoşagəlməzlik olmayacaq. Şəxsi işlərinizdə dönüş yaratmaq üçün əzmkarlığınızı artırmalısınız. Tərəfdaşlarınıza qərəzli şəkildə yanaşmayın.

BUĞA - Risk etməyə lüzum yoxdur. Çünki hazırkı durumunuz ifrat əsəbiliyinizdən xəbər verir. Hirsli başla isə hansısa uğura çatmaq absurddur. Amma ailə-sevgi münasibətlərində işlər qaydasına düşəcək.

ƏKİZLƏR - Həmişə başqalarını müzakirə etməkdənsə öz ideya və məramlarınızı analiz edin. Dedi-qodu və qeybət bütün planlarınızı poza bilər. Həyata ayıq gözlə baxın, özünüzə qarşı tələbkar olun.

XƏRÇƏNG - Ətrafınızda mövcud olan "səbəbsiz" gərginlikdən narahat olmayın. Ən azı ona görə ki, gün ərzində sizi narahat edən əksər sahələrdə - münasibətlərdə, maliyyədə, həmçinin fəaliyyətdə müsbət nəticələr əldə edəcəksiniz.

ŞİR – Kifayət qədər düşərli zaman kəsiyindən keçəcəksiniz. Bu prosesi daha ideal səviyyəyə yüksəltmək üçün ətrafınıza sadiq tərəfdaşlar toplamalısınız. Günün "ən varlı" zodiak işarəsi də məhz siz olacaqsınız.

QIZ - Narahatçılığa heç bir əsas yoxdur. Qarşınıza qoyduğunuz məqsədlərə çatmaq üçün bütün gücünüzü işə salmalısınız. Gün ərzində fəaliyyətlə bağlı geniş imkanlarınız açılacaq. Bu isə maddi durumunuza müsbət təkan verəcək.

TƏRƏZİ - İxtiyarınıza olduqca məsuliyyətli bir gün düşüb. Belə ki, saat 15-ə qədər çoxlu sayda yeniliklərin şahidi olacaq, maraqlı təkliflər alacaqsınız. Sonrakı vaxtda isə maddi sıxıntılarınız azalamağa başlayacaq.

ƏQRƏB - İşləriniz normal getsə də, bu, bədbin ovqatınıza heç bir müsbət təsir göstərməyəcək. Bilirsinizmi niyə? Çünki bu bədbinliyi özünüz yaradırsınız. Bəlkə bir anlıq hər yerdən təcrid olunub real dünya barədə düşünəsiniz?!

OXATAN - Qarşınızda duran vəzifələrin öhdəsindən gəlmək, sizə güvənən insanların etimadını qazanmaq başlıca vəzifənizə çevrilməlidir. Proseslərə neytral şəkildə yanaşmaqla gözlənilən təhlükələri dəf edə bilərsiniz. Axşam səhhətinizə fikir verin.

OĞLAQ - Xırda maliyyə problemlərinə görə narahat olmayın. Çünki elə səhər saatlarından bu istiqamətdə uğurlarınız bol olacaq. Əsas məqsədi işgüzar sövdələşmələrə yönəldin ki, perspektivlərinizə yol açılsın.

SUTÖKƏN - Planetlərin bürcünüzdəki neqativ düzülüşü bütün ciddi işləri təxirə salmağı tövsiyə edir. Əks təqdirdə çoxsaylı uğursuzluqlarla rastlaşacaqsınız. Köhnə mübahisələrə, yarıtmaz tərəfdaşlarla haqq-hesab çürütməyə qayıtmayın.

BALIQLAR - Əgər vaxtında ölçü götürüb, özünüzə istirahət guşəsi arasanız, qalan məsələlərdə ciddi probleminiz olmayacaq. Gün ərzində yeni simalarla tanış olacaqsınız ki, bu da gələcəkdə işlərinizin sürətlənməsinə təkan verəcək.

Xəbər lenti

DAHA ÇOX XƏBƏR