Azərbaycan prezidenti “Xocalı” abidəsini ziyarət edib - YENİLƏNDİ - - FOTOLAR
Bizi izləyin

Rəsmi xronika

Azərbaycan prezidenti “Xocalı” abidəsini ziyarət edib - YENİLƏNDİ - - FOTOLAR

Aksiyaya paytaxt sakinləri, Xocalı soyqırımının canlı şahidləri də qatılıblar.

Azərbaycan prezidenti İlham Əliyev Bakıda Xocalı soyqırımı qurbanlarının xatirəsinə ucaldılmış “Xocalı” abidəsini ziyarət edib.

Publika.az-ın məlumatına görə, Xocalı soyqırımının 25-ci ildönümü münasibətilə Bakı Dəniz Vağzalının qarşısından “Xocalı” abidəsinin qarşısınadək keçirilən yürüş başa çatıb.

Yürüşdə iştirak edən Azərbaycan prezidenti abidəni ziyarət edib, önünə əklil qoyub, faciə qurbanlarının xatirəsinə ehtiramını bildirib.

Birinci vitse-prezident Mehriban Əliyeva, baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev də abidənin önünə gül dəstələri qoyublar.

Mərasimdə dövlət və hökumət nümayəndələri, Milli Məclisin deputatları, nazirlər, komitə və şirkət rəhbərləri, dini konfessiyaların başçıları, habelə qırğından xilas ola bilmiş Xocalı sakinləri iştirak ediblər.

Anma mərasiminin iştirakçıları abidənin önünə güllər düzüblər.

09:45***

Xocalı soyqırımının 25-ci ildönümü münasibətilə Bakıda yürüş keçirilir.

Publika.az-ın məlumatına görə, Bakı Dəniz Vağzalının qarşısından başlayan yürüş “Xocalı” abidəsinin önündə bitəcək.

Yürüşdə Azərbaycan prezidenti İlham Əliyev, hökumət və dövlət rəsmiləri iştirak edirlər.

Aksiyaya paytaxt sakinləri, Xocalı soyqırımının canlı şahidləri də qatılıblar.

Oxumağa davam et
Reklam
Reklam

Gündəm