Hansı rəngdən hansı xəstəliyin müalicəsində istifadə olunur?

Bədbəxt insanlar özünü mavi kimi soyuq hiss edir, əsəbi insanların diqqətini isə ancaq qırmızı çəkir. Bu dünyada qırmızıdan başqa hər hansı rəngin fərqinə varmırlar.

Rənglər nəinki xəstəliklərdən, insanın xüsusiyyətlərindən xəbər verir, xəstəlikləri sağalda da bilirlər. Bunu hələ qədim dövrlərdən aşkar ediblər. Məsələn, qədim Misirdə məbədlərdə xəstələri yaxşılaşdırmaq məqsədilə hər otağı başqa rəngə boyayıblar. Çinlilər də 2000 il əvvəl rəng müalicəsindən istifadə edib.

Döyüşçülər daha qəzəbli və sərt görünmək üçün bədənlərini qara, qəhvəyi və qırmızı; yerli qadınlar isə daha təsirli görünmək üçün açıq rənglərə boyayardı.

Siz də göy qurşağının 7 rəngi ilə bəzi xəstəlikləri müalicə edə bilərsiniz. Publika.az Türkiyə mətbuatına istinadən Qamze Şenbursayanın rənglərin müalicəsi haqqında verdiyi açıqlamanı təqdim edir:

Şəfa mənbəyi

"Sadəcə rəngli geyinmək və ya evinizi müxtəlif rənglərlə bəzəmək rəng terapiyası etdiyinizi göstərmir. Rəng terapiyası orqanizmdə mövcud olan beş elementdən istifadə ilə həyata keçirilir: Od -qırmızı, torpaq -sarı, hava, su - yaşıl, mavi, səma - açıq mavi. Bu rənglərin kombinasiyası və onların enerjisi ilə bədəndəki xəstəliklər müalicə edilir. Bu beş element rənglərin enerjisini özünə doğru çəkir. BElementlərin bu xüsusiyyətindən istifadə edən rəng terapevtləri rəngli şüşələri xəstənin probleminə görə seçir. Ondan sonra şüşənin 4-də 3-nü su ilə və geri qalan hissəsini hava ilə doldurur. 72 saat ərzində şüşələr hava və su ilə birləşir ki, bunun nəticəsində enerji və rəngin vibrasiyalarını birləşdirərək xəstənin elementi ortaya çıxarılır. Xəstə müalicəsi üçün bu suyu içməlidir. Bundan sonra rəng terapevti ehtiyacınız olan rənglərdən ibarət meyvə və tərəvəzləri müəyyən edir. Məsələn; Qırmızıdırsa, pomidor, yaşıldırsa, göyərti yeməyi məsləhət görür”.

Eyni zamanda terapevtiniz sizin dilinizə görə, gecə lampasının rəngini təklif edir. Rəng terapiyasında ancaq göy qurşağından ibarət olan rənglərdən istifadə olunmur, eyni zamanda işıq da vacibdir.

Həkim Qamze Şenbursa rənglərin sirrini isə belə izah edir:

Bənövşəyi emosional, aqressiv insanların müalicəsinə uyğundur. Bundan başqa, həddindən artıq yemək istəyənləri sakitləşdirir və yemək istəyini nəzarət altında saxlayır.

Tünd mavi, lacivərd zəkanı hərəkətə keçirir, insana cəsarət, nüfuz və daxili rahatlıq verir. Göz, qulaq, burun və boğaz müalicəsində istifadə edilir. Damar problemleri (varis), sinir sistemi xəstəlikləri, çiban, yara, dəri problemlərində də istifadə olunur.

Şok keçirənlərə mavi yaxşı təsir edir. Mavinin soyuducu təsiri də var. Təlaşlı və qorxmuş insanlara kömək edir. Yuxudan əvvəl mavi rəngə baxmaq kabus görməyin qarşısını alır. Şok və ya infarkt keçirən insanlara tövsiyə edilir.

Hamilələr üçün yaşıl rəng uyğun gəlir. Yaşıl stressi azaldır. Ürək problemi olan insanlara köməkçi olar. Uşağın inkişafına təsir edir, sınıqların və sümüklərin tez sağalmasına kömək edər. Sakit bir mühit yaratmaq üçün hamilə xanımlara yaşıllıqda gəzmək təklif edilir.

Sarı zəkanı hərəkətə keçirir, insanlarda xoşbəxtlik təsiri yaradır. Həzm sistemini yaxşılaşdıran bu rəng dəri problemlərini müalicə etməkdə faydalı hesab olunur. Tənha və depressiyada olanlara portağal rəngi – narıncı tövsiyə olunur. Çünki bu rəng depressiyada olan insanların əhvalını yüksəldir. Portağal rəngi meyvəsi kimi, təbiətə enerji verir. Öd daşı, həzm sistemi problemləri, döş problemləri və artrit xəsətliyində təsirlidir.

Qan azlığında qırmızı rəngdən istifadə olunur. Qırmızı rəng qan azlığının qarşısını alır, adrenalin ifraz olunmasını təmin edir, hemoqlobinin çoxalmasına səbəb olur. İnsanın daha güclü olmasını təmin edir. Qırmızı rəng geymək qan azlığı və digər qan xəstəliklərindən şikayəti olan insanlar üçün yaxşıdır.

Aytən