• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Hamiləliyə zəmanət verən 5 qayda

Hamiləliyə zəmanət verən 5 qayda

Təəssüf ki, bütün qadınların asanlıqla hamilə qalmaq şansı yoxdur. Bunun səbəi nədir? Hamiləliyin baş tutması hansı amillərdən asılıdır?

Publika.az sağlam hamiləliyin qaydalarını təqdim edir:

1. Ovulyasiyaya diqqət

Ovulyasiya günü hamiləliyin baş tutması üçün ən münasib vaxt sayılır. Bu zaman bir və ya bir neçə yumurta hüceyrəsi yumurtalıqdan çıxaraq uşaqlıq borusuna düşür. Əgər bu zaman burada spermatozoidlər olarsa, mayalanma baş verir.

Yumurta hüceyrəsindən fərqli olaraq spermatozoidlər qadının cinsiyyət yollarında 3-5 (kişi cavan və sağlamdırsa, hətta 7) gün mayalanma üçün hazır vəziyyətdə qala bilir. Beləliklə, ovulyasiyadan 1-5 gün əvvəl və ovulyasiya günü hamiləlik üçün ən münasib günlər sayılır. Odur ki, ovulyasiya başlayanda nizamlı olaraq sekslə məşğul olmaq önəmlidir. Əgər bu dövrü müəyyənləşdirməkdə çətinlik çəkirsinizsə, 2-3 gündən bir cinsi əlaqəyə girməklə də döllənmək şansını artıra bilərsiniz.

Qeyd edək ki, ovulyasiya qadınlarda baş verən menstruasiya prosesinin bir hissəsidir. Menstruasiya prosesi 28-32 gündənı bir olur. Ovulyasiya, əsasən, menstruasiyanın 10-19-cu günləri arasında baş verir. Həmin dövrdə yumurtalar uşaqlıq borusuna düşərək burada sperma ilə mayalanır. Ovulyasiyanı beynin “hipotalamus” adlanan hissəsi idarə edir.

Siqaret, qəhvə və içkini tərgidin

Körpə sahibi olmağa çalışan cütlüklər siqaret, spirt və kofein kimi yumurta və sperma hüceyrələrinin keyfiyyətini korlayan və döllənməni əngəlləyən amillərdən uzaq durmalıdır. Tutaq ki, qəhvədən imtina edə bilmirsinizsə, gün ərzində bir fincandan çox içməməyə çalışın.

Sağlam qidalanın

Qadın bədəninin hamiləliyə hazırlanması üçün sağlam qidalanması, bədənə lazım olan mineral və vitaminləri qəbul etməsi şərtdir.

Spermanın əhəmiyyəti

Hamiləlik üçün qadın bədəninin hazır olması qədər sperma keyfiyyəti və sayı da vacibdir. Hormon və steroid qəbulu sperma keyfiyyətinə mənfi təsir edə bilər. Stressin də sperma keyfiyyətini aşağı salması araşdırmalarda dəfələrlə sübut olunub.

Həkim nəzarəti

Sizə məlum olmayan xəstəlikləri erkən müalicə etmək və sağlam hamiləlik üçün həkim nəzarətindən keçmək vacibdir. Həkimlər hamilə qalmaq üçün lazimi müalicə və dərmanları yazacaq. Ona görə də ən yaxşısı evlənməzdən əvvəl həkim nəzarətindən keçin.

Fidan

Xəbər lenti

DAHA ÇOX XƏBƏR