Sağlamlıq
Hamilə xanımları kökəlməyə qoymayan yüngül məşqlər - FOTOLAR
Ana olmağa hazırlaşan xanımlar hamiləlik dövründə də bədəninin qayğısına qalmalıdır. Məsələn, 9 ay ərzində idman edərək hamiləliyin bədənə göstərdiyi mənfi təsiri azaltmaq mümkündür.
Publika.az-ın sağlamlıq bölməsi idman mütəxəssislərinin hamilə xanımlar üçün təklif etdiyi ən etibarlı və sadə məşqləri təqdim edir:
İdmanın faydası
Bədən hamiləliyin gərginliyinə hazır olmalıdır. Təsəvvür edin, sümük, əzələ, oynaq vә başqa orqanlar böyümәkdә olan körpənin tələblərinə uyğun olaraq böyüyür. Onlara kömək etmək üçün idmanla məşğul olmaq lazımdır. İdman qan dövranını yaxşılaşdırır, ayaq və bel ağrılarını azaldır. Yorğunluğu götürür, enerjini artırır, emosional vəziyyəti yaxlaşdırır. Hamiləlik dövründə idman etsəniz, doğuşa tab gətirmək üçün gücünüz artar. Doğuşdan sonra daha tez sağalarsınız. Әl-ayağınız, üzünüz daha az şişər. Qəbizlik probleminiz olmaz.
Bütün bu üstünlüklərini nəzərə alıb idman etmək lazımdır. Bəs, hansı idman növlərini seçməyi düşünürsünüz?Hələ qərar verməmisinizsə, Publika.az-ın məsləhətlərinə nəzər salın:
1. Yeriş
Hamiləlik müddətində ən təhlükəsiz idmandır. Bədəni gümrah edir, biləkləri və dizləri gücləndirir.
2. Rəqs
Sevdiyiniz bir musiqinin sədaları altında hər gün 15-20 dəqiqə rəqs edin. Rəqs və musiqi həm əsəbləri sakitləşdirir, həm də əhvalı qaldırır.
3. Üzgüçülük
Aparılan tədqiqatlar nəticəsində üzməyin həm anaya, həm də körpəyə müsbət təsiri təsdiq olunub. Hamiləlik müddətində kökəlsəniz belə, üzəndə özünüzü daha yüngül hiss edəcəksiniz. Üzmək hamilə qadınlara psixoloji olaraq da müsbət təsir göstərir. Həmçinin, əzələləri və bədəninizdəki geniş əzələ qruplarını da işlədir. Amma hamiləliyin son 3 ayında suya baş vurmaq olmaz.
4. Yoqa
Sadə yoqa hərəkətləri bədəni rahatlaşdırır, əsəbləri sakitləşdirir. Gündə yarım saat yoqa ilə beyninizə və bədəninizə dinclik verin.
5. Doğuş məşqləri
Hamiləlik zamanı nəfəs və doğuş məşqləri sizi doğuşa hazırlayacaq. Belə ki, həmin məşqlər uşaqlıq, bağırsaq və sidik kisəsi ətrafında toplanan əzələ qruplarını hərəkətə gətirir. Hər yerdə edə bilmək mümkün olduğu üçün olduqca asandır.
Bu məşqi etmək üçün qarın, bud və ayaq əzələlərinizi sərbəst buraxıb uşaqlıq əzələlərinə yönəltmək lazımdır. Sanki sidiyiniz gəlir, amma tutmağa çalışırsınız kimi əzələlərinizi bərkidin. Bu vəziyyətdə 10-15-ə qədər sayıb sonra əzələlərinizi boşaldın. Bu hərəkəti 10 bənd olmaqla 5 dəfə təkrar edin.
6. Gərilmək
Bir çox gərnəşmə hərəkəti var. Məsələn: başınızı çevirin, çiyinlərinizi önə və arxaya hərəkət etdirin, qolları yuxarı dartın və ya arxaya çevirin, ayaqlarınızı azca bükərək çömbəlib qalxın.
Qeyd: İdmana başlamazdan əvvəl həkimlə məsləhətləşmək lazımdır. Ola bilər ki, sizin vəziyyətinizdə idman etmək təhlükəlidir və ya bəzi idman növləri sizә yaramır.
Yadda saxlayın: idman üçün rahat və təhlükəsiz yer seçmək lazımdır. Әyninizi rahat geyinin, ayağınızın sürüşkәn olmamasına fikir verin.
Aytən
-
Magazin119:10
Brilliant Dadaşovanın rəqsi GÜNDƏM OLDU - VİDEO
-
Region18:50
Rusiya XİN-dən İrəvana qulaqburma
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR