Ev şəraitində qarnı əritmək üçün 10 qayda
Bizi izləyin

Sağlamlıq

Ev şəraitində qarnı əritmək üçün 10 qayda

Qarın piylərini əridən ən effektli qaydaları təqdim edirik.

Kökələndə piylərin çoxu qarında yığılır. Qarın və bel nahiyələrində xoşagəlməz görüntü bir çox qadının problemidir.

Publika.az bunu nəzərə alaraq qarın piylərini əridən ən effektli qaydaları təqdim edir:

Sarımsaq udun

Kəskin qoxusuna görə, sarımsaq yeməkdən çəkinirsinizsə, onu udmağa çalışın. 1 diş sarışmsağı udub üstündən 1 stəkan su için. Bunu gecə yatmazdan öncə etməyiniz məsləhətdir.

Badamlı su

Gecə yatmazdan öncə 1 stəkan suya 3-4 ədəd badam töküb bir kənara qoyun. Səhər oyanan kimi, acqarına əvvəlcə həmin suyu için, daha sonra suyun içərisindəki badamları yeyin.

Keşniş toxumu

Keşniş toxumu yağları əridən ən təsirli ədviyyatlardan biridir. Qatığa, salatlara, şorbalara keşniş toxumu əlavə edib yeyin. İstəsəniz, 1 stəkan isti suya 1 çay qaşığı keşniş toxumu qatıb için.

Ağ kələm

Kələmi yaxşıca bişirin. Ondan salat hazırlayıb yeyin. Həzmi asanlaşdırması üçün üyüdülmüş zirə ilə yeyin.

Alma sirkəsi və su

Yeməkdən öncə alma sirkəsi əlavə edilmiş su için. 1 stəkan ilıq suya 1 çay qaşığı alma sirkəsi əlavə etmək kifayətdir.

Limonlu su

Qarnı arıqlatmaq üçün əvvəlcə qaraciyəri piydən təmizləməlisiniz. Bunun üçün ən effektli vasitə limonlu sudur. Hər səhər 1 stəkan ilıq suya yarım limonun şirəsini əlavə edib için.

Zəncəfilli qatıq

Zəncəfil, sarıkök və darçını qatıqla qarışdırıb yeyin. 1 kasa qatığa hər 3 ədviyyatdan 1 çay qaşığı əlavə edin. Yatmazdan 3-4 saat öncə yeyin. Bunu həftədə 2 dəfədən artıq etməyin.

Limonlu yaşıl çay

1 stəkan yaşıl çaya bir az limon şirəsi əlavə edib yeməkdən 15 dəqiqə sonra için.

Detoks suyu

1 litr isti suya 3 çay qaşığı yaşıl çay əlavə edib 5 dəqiqə dəmləyin. Daha sonra içərisinə quru və ya təzə nanə ilə yarım limonun suyunu əlavə edin. Detoks suyunu bir gün ərzində hər dəfə 1 stəkan olmaqla için.

Darçınlı su

Qarında toplanan yağların ən böyük səbəbi şirniyyatdır. Bunun qarşısını almaq üçün darçınlı su içmək lazımdır. Gecə yatmazdan öncə 1 litr suya 1 çubuq darçın və 1 ədəd alma əlavə edib bir kənara qoyun. Səhəri gün həmin suyu acqarına və ya yeməkdən yarım saat sonra için.

Ləman Sultan

Oxumağa davam et
Reklam
Reklam

Gündəm