Göz qızarmasının bitkilərlə müalicəsi

Gözlərdə qızarma genetik, allergik və başqa səbəblərdən ola bilər. Səbəbi nə olur olsun göz qızarmasının bitkilərlə müalicəsi bu dərddən xilas olmaqda sizə yol göstərəcək. Gözlər ən həssas orqanımızdır. Buna görə də ona xüsusi qayğı göstərməliyik.

Xiyar göz qızarmasının bitkilərlə müalicəsində ən təsirli vasitələrdən biridir. Xırda dilimlənmiş xiyarı gözləriniz qapalı halda olarkən göz qapaqlarına qoyun. Ən az 10 dəqiqə gözləyin. Xiyarın sərinləşdirici təsiri gözlərdəki qızartını aradan qaldıracaq.

Göz qızarmasının bitkilərlə müalicəsinin üsullarından biri də gül suyudur. Tez təsir göstərməsi üçün gül suyu ilə gözləri gündə 2-3 dəfə yuyun və ya bir parça pambığı gül suyuna isladıb gündə ən az 10 dəqiqə göz qapaqlarına qoyun.

Bir çay qaşığı bala bir az qara istiot əlavə edin. Bu iki qidanı yaxşı-yaxşı qarışdırın və gözlərdə qızarmış bölgəyə qoyun. 10 dəqiqə gözünüzdə saxladıqdan sonra soyuq su ilə üzünüzü yuyun. Bu formul dərdinizə əlac olacaq.

Çoxumuzun evində paket yaşıl çay var. Bu paket çayı soyuq suya qoyub, gözləyin. Gözlərinizi qapayın və göz qapaqlarının üstünə soyuq yaşıl çay paketini qoyun. Yaşıl çay gözlərdəki qızartıları aradan qaldıracaq.